«Cомон Эйр» тасмим дорад боз 5 адад чархбол харидорӣ намояд

Ноябрь 8, 2019 16:31

ДУШАНБЕ, 08.11.2019/АМИТ «Ховар»/. Ширкати ҳавопаймоии «Сомон Эйр» бо ширкати «Эйрбас» ёддошти ҳусни тафоҳум ба имзо расонид. Дар доираи санади мазкур «Сомон Эйр» тасмим дорад илова ба чархболи Н125, ки аллакай вориди Душанбе гардидааст, 5 адад чархбол-як чархболи H125, ду чархболи H130, ду чархболи  H175 ва ҳавопаймоҳои нави «Airbus» харидорӣ намояд. Ёддошти ҳусни тафоҳум 7 ноябр дар шаҳри Париж зимни вохӯрии ҳайати расмии Тоҷикистон таҳти сарварии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони соҳибкорон ва сармоягузорони Ҷумҳурии Франсия ба тасвиб расид.

Қаблан ширкати «Сомон Эйр»  чархболи Airbus Helicopters Н125 харидорӣ намуда буд, ки он дорои амалиётнокии баланд, аёнияти аъло, ларзиши паст дар кабина буда, 5 ҷойи нишасти мусофирон дорад. Модели H125 аз ҳамаи чархболҳои якмуҳаррикаи класси худ бо хусусиятҳои техникӣ, гуногунҷабҳагӣ, сатҳи бехатарӣ ва арзиши дастрас, инчунин аз ҷиҳати кор дар шароити шадид бартарӣ дошта, барои истифода дар баландкӯҳҳо ва иқлими гарм мутобиқ мебошад.

Бо ибтикори Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2019-2021 дар Тоҷикистон Солҳои рушди деҳот, сайёҳӣ ва ҳунарҳои мардумӣ эълон гардидаанд. Дар ин робита чархболи H125 дар баробари ғанисозии парки ҳавопаймоии ширкат, ҳамчунин ба рушди сайёҳӣ ва тиҷорати авиатсионӣ дар дохили мамлакат мусоидат хоҳад кард.

Айни ҳол ширкати ҳавопаймоии “Сомон Эйр” парвозҳоро аз Тоҷикистон ба Германия, Амороти Муттаҳидаи Араб, Туркия, Чин, Россия, Қазоқистон ва Ӯзбекистон бомуваффақият иҷро мекунад. Парки ширкати ҳавопаймоӣ аз ҳавопаймоҳои Боинг 737-300, -800 ва -900, ҳамчунин чархболи H125 иборат мебошад.

Ноябрь 8, 2019 16:31

Хабарҳои дигари ин бахш

Тоҷикистон ва Арабистони Саудӣ ҳамкориро дар соҳаи энергетика густариш медиҳанд
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
Дар Душанбе китоби «Занбӯриасалпарварӣ»-и Файзулло Мирзо рӯнамоӣ карда шуд
Дар Бонки миллии Тоҷикистон бо ҳайати Хазинаи байналмилалии асъор мулоқот доир гардид
«ХАТЛОН ИНВЕСТ-2025». Дар ин форуми байналмилалӣ имконияту иқтидори сармоягузории вилояти Хатлон муаррифӣ мегардад
Дар Тоҷикистон Маркази зеҳни сунъии Осиёи Марказӣ таъсис дода мешавад
Дар Тоҷикистон таҳияи Стратегияи рушди дарозмуддат бо сатҳи пасти партовҳои камкарбон оғоз мешавад