Дар Минск «Оид ба ҳамкории стратегии иқтисодии давлатҳои аъзои ИДМ» ҳамоиш баргузор мешавад
ДУШАНБЕ, 18.11.2019 /АМИТ «Ховар»/. 19 ноябр дар қароргоҳи ИДМ дар Минск суҳбати «мизи мудаввар» барпо мегардад. Мавзӯи муҳокимаи он «Оид ба ҳамкории стратегии иқтисодии давлатҳои аъзои Иттиҳоди Давлатҳои Мустақил» мебошад, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.
Ин ҳамоиш бо ташаббуси Сафорати Туркманистон дар Ҷумҳурии Беларус анҷом пазируфт.
Ҳамоиш дар асоси Эъломияи ҳамкории стратегии иқтисодии давлатҳои аъзои Иттиҳоди Давлатҳои Мустақил ташкил карда шуд, ки он 11 октябр дар Ашқобод дар ҷаласаи Шӯрои сарони давлатҳои ИДМ қабул гардида буд.
Дарҳамоиш раиси Кумитаи иҷроия — Котиби иҷроияи ИДМ Сергей Лебедев, намояндагони доимии давлатҳои аъзои Иттиҳод дар мақомоти оинномавӣ ва дигар аъзои мақомоти Иттиҳод, инчунин намояндагони илму маориф ширкат меварзанд.
Худи ҳамон рӯз дар он ҷо ҷаласаи Шӯрои намояндагони ваколатдори доимии кишварҳои узви Иттиҳод дар назди мақомоти қонунгузорӣ ва дигар мақомоти Иттиҳод баргузор мешавад.
Дар ҷаласа раиси Кумитаи иҷроия — Котиби иҷроияи ИДМ Сергей Лебедев иштирок хоҳад кард.
Намояндагони доимӣ натиҷаи ҷаласаи Шӯрои сарони ҳукуматҳои ИДМ-ро, ки 25 октябр дар Москва баргузор гардид, ҷамъбаст намуда, вазифаҳои Шӯрои намояндагони доимиро дар иҷрои ҳуҷҷатҳои қабулнамуда муайян мекунанд.
Ғайр аз ин, дар ҷаласа баррасии масоили марбут ба фаъолияти Шӯрои вазирони корҳои дохилӣ ва Шӯрои ҳамоҳангсози Прокурори генералии кишварҳои узви Иттиҳоди Давлатҳои Мустақил низ пешбинӣ шудааст.
Ба ҷуз ин …
20 ноябр дар Москва ҷаласаи котибони Шӯрои амнияти кишварҳои узви Иттиҳоди Давлатҳои Мустақил баргузор мешавад.
20-22 ноябр дар шаҳри Москва ҷаласаи Шӯрои сиёсати саноатии кишварҳои узви ИДМ баргузор мешавад.
20-21 ноябр дар Минск ҷаласаи иловагии гурӯҳи коршиносон оид ба мувофиқаи лоиҳаи Консепсияи рушди мубодилаи иттилоот байни мақомоти салоҳиятдори давлатҳои узви ИДМ ва мақомоти ИДМ дар соҳаи амният ва тартиботи ҳуқуқӣ дар мубориза бо ҷинояткорӣ баргузор мегардад.
20 ноябр дар Минск ҷаласаи Комиссияи давлатҳои аъзои Иттиҳоди Давлатҳои Мустақил оид ба истифодаи осоиштаи энергияи атом баргузор мешавад.
ДАР АКС: қароргоҳи ИДМ дар Минск. Акс аз бойгонӣ.
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
