Дар шаҳри Кӯлоб 12 коргоҳи истеҳсолӣ бо фарогирии 120 ҷойи кор таъсис дода шуд

Ноябрь 23, 2019 09:56

ДУШАНБЕ, 23.11.2019 /АМИТ «Ховар»/. Дар 10 моҳи соли равон дар шаҳри Кӯлоб 12 коргоҳи хурд ва як корхонаи истеҳсолӣ, аз ҷумла, коргоҳи истеҳсоли макарон, пахтатозакунӣ, сехи кӯрпадӯзӣ, маҳсулоти сохтмонӣ, сангреза, истеҳсоли хишти сементӣ, мебел ва корхонаи хурди дару тирезаҳои пластикӣ, дар маҷмӯъ бо фарогирии 120 ҷойи нави кор таъсис дода шуд. Дар ин бора аз бахши саноати шаҳри Кӯлоб ба мухбири АМИТ «Ховар» иттилоъ доданд.

Зикр гардид, ки дар ин давра ҳаҷми истеҳсоли маҳсулоти саноатӣ ба 207,8 миллион сомонӣ баробар шуд, ки нисбат ба ҳамин давраи соли гузашта 35,1 миллион сомонӣ зиёд маҳсулот истеҳсол гардида, 120,3 фоизи нақшаро ташкил медиҳад.

Тибқи маълумот, дар 10 моҳ дар шаҳри Кӯлоб 17,8 тонна макарон истеҳсол гардид.

Дар ин давра 28 корхонаи истеҳсолӣ, ба монанди ҶСК «Сомон Кӯлоб Таҷҳизот»- 14,6 маротиба, ҶДММ «Комбинати хонасозӣ» — 6,3 маротиба, ҶСК «Суғдиён» — 3,7 маротиба, ҶДММ «Суматра СТК» — 7,3 маротиба, ҶДММ «Иборатмоҳ» — 1,9 маротиба ва ҶДММ «Орзу- 2004» — 1,3 маротиба нисбат ба ҳамин давраи соли гузашта зиёд маҳсулот истеҳсол намудаанд.

Феълан КМ «Ресандаи Кӯлоб» бо ҷалби сармояи хориҷӣ фаъолияташро ба роҳ монда, дар ин давра ба маблағи 11,1 миллион сомонӣ ба андозаи 642 тонна ришта истеҳсол намудааст. Ҳаҷми маҳсулот нисбат ба ҳамин давраи соли гузашта 2 маротиба зиёд мебошад. Айни замон дар корхона 98 нафар шаҳрвандон бо ҷойи кор таъмин гардидаанд.

Гуфта шуд, ки ҳоло дар шаҳри Кӯлоб 41 корхонаи саноатӣ фаъол аст, ки аз ин ҳисоб 2 корхона бо сабаби мушкилоти молиявӣ ва нарасидани мутахассисони соҳа фаъолият надоранд.

Дар шаҳри Кӯлоб барои ҷалби сармояи хориҷӣ ҷиҳати бунёди корхонаҳои саноатӣ бо қарори Ҳукумати Ҷумҳурии Тоҷикистон дар майдони 309,3 га Минтақаи озоди иқтисодӣ таъсис дода шуд. Дар назар аст, ки дар ин Минтақаи озоди иқтисодӣ зиёда аз 3750 ҷойи нави кор ва 3 ҳазор ҷойи кори мавсимӣ таъсис дода шаванд.

Ноябрь 23, 2019 09:56

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд