Намоиши «Қорӣ Ишкамба» сазовори ҷоизаи «Беҳтарин инъикоси анъанаҳои театри миллӣ» гардид
ДУШАНБЕ, 31.10.2019 /АМИТ «Ховар»/. Аз 24 то 28 октябр дар шаҳри Нижневартовски Федератсияи Россия 4-умин Фестивали байналмилалии театри намоишҳои шакли хурд баргузор гардид.
Дар фестивал аз Ҷумҳурии Тоҷикистон Театри мусиқӣ-мазҳакавии шаҳри Конибодом ба номи Тӯҳфа Фозилова бо намоиши «Қорӣ Ишкамба» иштирок намуда, сазовори ҷоизаи «Беҳтарин инъикоси анъанаҳои театри миллӣ» гардид.
Дар фестивал аҳли театр бо роҳбарии директори он Ғайрат Қодирзода иштирок намуданд.
Бояд зикр намуд, ки ин намоишро коргардони маъруфи ҷавон Муҳиддин Музаффар аз рӯи асари сардафтари адабиёти муосири тоҷик Садриддин Айнӣ таҳия намудааст.
Фестивали мазкур бо сарпарастии ЮНЕСКО баргузор шуда, дар чор рӯз 11 намоиш пешкаши ҳакамон гардид.
Дар радифи театри Тоҷикистон гурӯҳҳои театрӣ аз Франсия, Ҳиндустон ва минтақаҳои гуногуни Федератсияи Россия иштирок намуданд.
Ёдовар мешавем, ки намоиши «Қорӣ Ишкамба» дар чандин фестивалҳои байналмилалӣ обрӯи театри тоҷикро баланд бардоштааст.
Он ҳамчунин дар Фестивал – озмуни ҷумҳуриявии театрҳои касбӣ «ПАРАСТУ – 2019», ки моҳи апрели соли равон баргузор гардида буд, ҷои аввалро ба даст овард.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
