Парчам — рамзи иттиҳод ва истиқлоли миллат

Ноябрь 22, 2019 16:31

ДУШАНБЕ, 22.11.2019. /АМИТ «Ховар»/. Имрӯз таҳти унвони «Парчам-рамзи иттиҳод ва истиқлоли миллат» дар Кумитаи рушди сайёҳии назди Ҳукумати Ҷумҳурии Тоҷикистон ҳамоиш баргузор гардид. Дар ҷамъомад дар баробари кормандони  дастгоҳи марказии Кумита ва роҳбарони як зумра ширкатҳои сайёҳии ватанӣ, намояндагон аз Ҳизби Халқии  Демократии Тоҷикистон ва собиқадорони меҳнат низ иштирок намуданд.

Раиси Кумитаи рушди сайёҳии назди Ҳукумати Ҷумҳурии Тоҷикистон   Нуъмон  Абдуғаффорзода ҷамъомадро ифтитоҳ намуда, аз ҷумла зикр намуд, ки  маҳз туфайли талошу заҳматҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  барқарории сулҳу суботи комил ва ваҳдати  пойдори миллӣ,  якпорчагии мамлакат, таъмини рушди устувори иқтисодиву иҷтимоӣ, таҳкими худшиносиву худогоҳӣ, болоравии ҳисси ватандўстиву ватандорӣ дар ҷомеаи Тоҷикистон  муяссар гардид.

Маҳз туфайли ташаббусҳои созандаю бунёдкоронаи Пешвои миллат ибтидои моҳи сентяри соли 2011  ба ифтихори 20-солагии Истиқлолияти давлатии Тоҷикистон пояи Парчами давлатии Ҷумҳурии Тоҷикистон бо  баландии 165 метр, дарозии 60 ва паҳноии 30 метр ва вазни 700 кг, баландтарин дар ҷаҳон барафрохта шуда, ба Китоби рекордҳои Гиннес ворид гардид. Айни ҳол ин макон ҷои дӯстдоштаи сайру гашти сокинони ҷумҳурӣ ва сайёҳони хориҷӣ гардидааст.

Раиси Кумита ҳамчунин афзуд, ки Рӯзи Парчами давлатӣ дар қатори ҷашнҳои нави миллӣ, ба монанди Рӯзи Конститутсия ва Рӯзи забон иди фаромӯшнопазири таърихӣ ва ифтихору сарфарозӣ мебошад.

Хушбахтона, баъди садсолаҳо мардуми тоҷик ба шарофати истиқлоли сиёсӣ соҳиби парчами давлатӣ — рамзи давлати мустақилу соҳибихтиёр гардид. Парчами Тоҷикистон ҳамқадам ва рамзи истиқлолияти давлатӣ буда, санаи қабули он ҳамчун ҷашни умумимиллӣ таҷлил карда мешавад.

Парчам имрӯз нишони сарфарозиҳои мардуми тоҷик, далели шуҳрату иқболи баланд ва шукӯҳафзои истиқлоли мамлакат, инчунин баёнгари ормонҳои миллат ва шӯълаи имони мардуми бонангу номуси Тоҷикистони соҳибихтиёр мебошад.

Дар назди ҳозирин ҳамчунин намояндаи Ҳизби Халқии  Демократии Тоҷикистон дар ноҳияи Исмоили Сомонӣ ва ходими шинохтаи давлатӣ, ҷамъиятӣ, собиқадори меҳнат Рафиқа Мӯсоева сухан гуфта, Парчами давлатии Ҷумҳурии Тоҷикистонро рамзи иттиҳод ва истиқлоли миллат ҳисобиданд.

Ноябрь 22, 2019 16:31

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид