Соли 2020 якумин тафсири сиёсати савдои Тоҷикистон дар назди Созмони умумиҷаҳонии савдо мегузарад
ДУШАНБЕ, 18.11.2019. /АМИТ «Ховар»/. Дар асоси супориши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузории якумин тафсири сиёсати савдои Ҷумҳурии Тоҷикистон дар назди Созмони умумиҷаҳонии савдо моҳи апрели соли 2020 ба нақша гирифта шуда, дар робита ба он аз ҷониби Ҳукумати ҷумҳурӣ ҷиҳати дар сатҳи назаррас гузаронидани чорабинии мазкур нақшаи корӣ тасдиқ гардидааст.
Дар зимн 15-16 ноябр дар шаҳри Женеваи Конфедератсияи Швейтсария ҳайати расмии Ҷумҳурии Тоҷикистон бо роҳбарии муовини якуми Вазири рушди иқтисод ва савдо Завқӣ Завқизода бо Директори Департаменти баҳодиҳии сиёсати савдои Созмони умумиҷаҳонии савдо (СУС) Вилли Алфаро, Директори Донишкадаи такмили ихтисос ва ҳамкории техникии СУС хонум Бриҷит Чилала, Мушовири калон оид ба мусоидати рушди савдои Маркази байналмилалии савдо Муҳаммад Саид, намояндагони Комиссияи иқтисодии СММ барои Аврупо ва Конфронси СММ оид ба савдо мулоқот намуда, масъалаҳои вобаста ба рушди ҳамкории иқтисодӣ ва савдоро баррасӣ намуданд.
Аз Вазорати рушди иқтисод ва савдои ҷумҳурӣ ба АМИТ «Ховар» хабар доданд, ки дар вохўриҳо ҷонибҳои СУС ва СММ аз пешравиҳои ноилгардидаи Ҷумҳурии Тоҷикистон дар самтҳои содагардонии расмиёти савдо, аз ҷумла оғози расмии Портали савдои Тоҷикистон ва Равзанаи ягонаи барасмиятдарории амалиёти содиротӣ, воридотӣ ва тарнзитӣ изҳори қаноатмандӣ намудаанд. Ҳамзамон омодагии худро ҷиҳати пешниҳоди кумакҳои техникӣ ба Ҷумҳурии Тоҷикистон барои дар сатҳи баланд баргузор намудани якумин тафсири сиёсати савдои мамлакат дар СУС ва баланд бардоштани савияи дониши мутахассисони соҳаи савдо баён карданд.
Ҳамзамон ҳайати ҷумҳурӣ дар якумин тафсири сиёсати савдои Ҷумҳурии Халқии Демократии Лаос иштирок карда, мавқеи Ҷумҳурии Тоҷикистонро муаррифӣ намуд.
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
