То охири соли равон истихроҷи ангишт ба 2,0 млн тонна расонида мешавад

Ноябрь 21, 2019 12:11

ДУШАНБЕ, 21.11.2019. /АМИТ «Ховар»/. Бо мақсади таъмини иҷрои Қарори Ҳукумати Ҷумҳурии Тоҷикистон аз 29 марти соли 2019 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2019-2020» таъминоти ангишт ба тамоми соҳаҳои иқтисодию иҷтимоии ҷумҳурӣ идома  дорад. Мувофиқи  маълумоти оморӣ, дар даҳ моҳи соли 2019 истихроҷи ангишт ба 1 млн 735,5 ҳазор тонна (111,9% иҷрои нақша) расонида шуд, ки нисбат ба даҳ моҳи соли 2018, 184.2 ҳазор тонна зиёд мебошад. Дар ин бора ба хабарнигори АМИТ «Ховар» аз Вазорати саноат ва технологияҳои нави Ҷумҳурии Тоҷикистон хабар доданд.

Ба иттилои манбаъ, дар ин давра фурӯши ангишт 1 млн 696,8 ҳазор тонна, аз ҷумла, ба аҳолӣ  124. ҳазор тонна,  ба МБГ-2 ш. Душанбе 944,8 ҳазор тонна, ба корхонаҳои саноатӣ 542.1 ҳазор тонна, ба муассисаҳои буҷавӣ 18,6 ҳазор тонна фурӯхта шуда, содироти ангишт 13,7 ҳазор тоннаро ташкил дод.

Содироти ангишт аз тарафи «Комбинати металлургии Тоҷик» ва «Талко Ресурс» ба Ҷумҳурии Покистон 10383 ҳазор тонна ва ба Ҷумҳурии Ӯзбекистон 2,9 ҳазор тонна амалӣ карда шудааст.

Бо мақсади роҳандозии иқтидорҳои нави истеҳсолӣ бо тарзи зеризаминии истихроҷи ангишт аз ҷониби КФ «Шахтаи Фон-Яғноб», ҶДММ «Дион ангишти Тоҷикистон», Департаменти истихроҷи ангишти  ҶДММ «Комбинати металлургии Тоҷик», ҶДММ «Қудрат-2010» ва       КФ «Зиддӣ» тадбирҳои дахлдор андешида шуда, дар давраи ҳисоботӣ  ба маблағи 41,7 млн сомонӣ 47 техникаҳои карйерӣ ва таҷҳизот барои бо тарзи зеризаминӣ истихроҷ намудани ангишт  харидорӣ карда шудааст.

Дар соли 2019 таъминоти «МБГ Душанбе-2» бо ангишт -1100,0 ҳазор тонна пешбинӣ шудааст, ки ин аз ҷониби КФ «Шахтаи Фон-Яғноб» ба миқдори 480,0 ҳазор тонна, «Талко Ресурс» 330,0 ҳазор тонна ва «Комбинати металургии тоҷик» 290 ҳазор тонна бояд амалӣ карда шавад.

Дар даҳ моҳи соли равон 947,8  ҳазор тонна ангишт барои эҳтиёҷоти  «МБГ Душанбе -2» интиқол дода шудааст, ки 96%-и нақшаро дар бар мегирад. Таъминот аз тарафи  КФ Шахтаи Фон-Яғноб” 472.7 ҳазор тонна, ҶДММ «Талко Ресурс» 250 ҳазор тонна ва ҶДММ «Комбинати металургии тоҷик» 225,1 ҳазор тонна амалӣ карда шудааст. Корхонаҳои соҳа аз тамоми имкониятҳо истифода бурда, кӯшиш ба харҷ дода истодаанд, ки нақшаи таъминоти ангишт барои эхтиёҷоти «МБГДушанбе-2»-ро пурра иҷро намоянд.

Ангиштканони тоҷик тасмим гирифтаанд, ки то охири соли равон истихроҷи ангиштро ба 2,0 млн тонна расонанд.

Ноябрь 21, 2019 12:11

Хабарҳои дигари ин бахш

Соли 2022 ба буҷети вилояти Хатлон зиёда аз 1,7 миллион сомонӣ ворид карда шуд
БАЪД АЗ ТАНАФФУСИ СЕСОЛА. «Сомон Эйр» парвозҳоро дар масири Душанбе-Урумчӣ-Душанбе барқарор менамояд
Дар Тоҷикистон сангҳои ороишию бинокорӣ ва истихроҷу коркарди металлҳои ранга ба омӯзиши геологӣ фаро гирифта шудаанд
ҲУКУМАТИ ЭЛЕКТРОНӢ. Дар Тоҷикистон Маркази рақамикунонии соҳаи роҳу нақлиёт ба фаъолият оғоз мекунад
Соли 2022 дар вилояти Хатлон маблағгузорӣ ба рушди соҳаи иҷтимоӣ беш аз 2,1 миллион сомониро ташкил дод
Кишоварзони Тоҷикистон соли гузашта бо 1664 адад техникаву таҷҳизот таъмин гардиданд
Барои ҳудудҳои махсус муҳофизатшавандаи табиии Тоҷикистон бо забонҳои русӣ ва англисӣ шиносномаҳо таҳия карда шудаанд
Вазорати кишоварзӣ: «Имтиёзҳои фароҳамоварда ба рушди соҳаи моҳипарварӣ дар Тоҷикистон мусоидат намуданд»
Нишасти матбуотӣ: «Соли 2022 зиёда аз 1739 гектар ҷангалзор бунёду барқарор карда шуд»
ТАШАББУСҲОИ ГЛОБАЛИИ ПРЕЗИДЕНТИ ТОҶИКИСТОН. Яке аз онҳо Соли байналмилалии ҳифзи пиряхҳо эълон кардани соли 2025 аз ҷониби СММ аст
БАХШИДА БА СОЛҲОИ РУШДИ САНОАТ. Соли гузашта дар Хуҷанд 40 корхонаи нав ба истифода дода шуд
Агентии беҳдошти замин ва обрасонӣ: «Шабакаҳои обрасони Тоҷикистон ба мавсими имсола пурра омодаанд»