Ҳайати Тоҷикистон дар ҳамоиши байналмилалии «Италия ва Осиёи Марказӣ: таҳкими ҳамдигарфаҳмӣ, ҳамкорӣ ва шарикӣ» иштирок намуд
ДУШАНБЕ, 13.11.2019. /АМИТ «Ховар»/. Имрӯз дар шаҳри Рим ҳамоиши байналмилалӣ дар мавзӯи «Италия ва Осиёи Марказӣ: таҳкими ҳамдигарфаҳмӣ, ҳамкорӣ ва шарикӣ» баргузор гардид. Аз Тоҷикистон дар ин ҳамоиши сатҳи баланд Вазири корҳои хориҷии Ҷумҳурии Тоҷикистон Сироҷиддин Муҳриддин ва президенти Академияи илмҳои Тоҷикистон, академик Фарҳод Раҳимӣ иштирок доранд. Дар ин бора академик Фарҳод Раҳимӣ аз шаҳри Рим ба хабарнигори АМИТ «Ховар» иттилоъ дод.
Тавре президенти Академияи илмҳо Фарҳод Раҳимӣ ба хабарнигори АМИТ «Ховар» иттилоъ дод, пеш аз оғози ҳамоиш ҷаласаи пленарӣ доир гардид, ки дар он вазирони корҳои хориҷии Италия ва кишварҳои Осиёи Марказӣ сухан карданд.
Ҷониби Италия вазъи кунунии Осиёи Марказӣ ва ҳамкории дуҷониба ва бисёрҷонибаро бо ин давлатҳо таъкид намуда, пешниҳод кард, ки ҳамкорӣ дар ҳамаи самтҳо бояд ба роҳ монда шаванд.
Вазири корҳои хориҷии Ҷумҳурии Тоҷикистон Сироҷиддин Муҳриддин омодагиҳоро барои ҳамкорӣ дар ин самтҳо баён намуд. Намояндаи Бонки ҷаҳонӣ зимни суханронӣ кишварҳои Осиёи Марказиро ҳамчун давлатҳои бомаром рушдкунанда эътироф намуд.
Президенти Академияи илмҳои ҷумҳурӣ Фарҳод Раҳимӣ доир ба муаррифии имкониятҳои илмии мамлакат, таърих ва бостоншиносӣ, пойгоҳҳои илмии Академияи илмҳо, имкониятҳои рушди сайёҳӣ ибрози назар намуд.
Номбурда пешниҳод намуд, ки давлатҳои иштирокчӣ бояд ҳамкориро дар самти илмҳои бунёдӣ, амалӣ ва ташкилу баргузор намудани конфронсу симпозиумҳои муштарак, омода намудани мутахассисон, инчунин амалисозии лоиҳаҳои муштарак дар мавзӯи тағийрёбии иқлим, нигаҳдорӣ ва ҳифзи пиряхҳо вусъат диҳанд.
Президенти Академияи илмҳо Фарҳод Раҳимӣ дар идома дар бораи ташаббусҳои наҷибонаи Пешвои миллат муҳтарам Эмомалӣ Раҳмон вобаста ба об ва 5500- солагии Саразми бостонӣ ибрози назар намуда, олимони Италияро ба ҳамкорӣ даъват намуд.
Дар ин ҳамоиши сатҳи байналмилалӣ намояндагони Италия, Осиёи Марказӣ ва намояндагони ташкилотҳои байналмилалӣ иштирок доранд. Онҳо имкониятҳои инвеститсионии худро барои давлатҳои Осиёи Марказӣ баён намуда, таъкид карданд, ки Осиёи Марказиро ояндаи нек дар пеш аст ва бояд ин мамлакатҳоро ҳамаҷониба дастгирӣ намуд.
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
