БОЗДИДИ САРВАЗИРИ МАМЛАКАТ АЗ ҶАРАЁНИ СОХТМОНИ ИНШООТҲО ДАР МИНТАҚАИ КӮЛОБ. Дар ҳудуди Ҷамоати деҳоти Зиракӣ шаҳраки нави замонавӣ барои 5 ҳазор нафар истиқоматкунанда бунёд мегардад

Декабрь 18, 2019 14:24

ДУШАНБЕ, 18.12.2019/АМИТ «Ховар»/. Нимаи дуюми рӯзи 17 декабр Сарвазири Ҷумҳурии Тоҷикистон  Қоҳир Расулзода, Раиси вилояти Хатлон  Қурбон Ҳакимзода ва гурӯҳи корӣ ба шаҳри Кӯлоб рафтанд. Дар даромадгоҳи Кӯлоб меҳмононро раиси шаҳр ва намояндагони мақомоти иҷроияи ҳокимияти давлатии шаҳри Кӯлоб пешвоз гирифтанд. Хабарнигори минтақавии АМИТ «Ховар» гузориш медиҳад.

Сарвазири Ҷумҳурии Тоҷикистон ва ҳамроҳонаш аз корҳои сохтмонии муассисаи таълимӣ, воқеъ дар маҳ аллаи Боқӣ Раҳ имзода дидан намуданд. Иттилоъ дода шуд, ки бинои таълимии дуқабата дорои 14 синфхона буда, пас аз мавриди баҳ рабардорӣ қарор гирифтан 240 хонанда дар як баст ба таҳсил фаро гирифта мешаванд. Бино аз тарафи ҶДДМ «Тарроҳ » дар масоҳати 0,70 гектар замин бунёд мегардад.

Сарвазири мамлакат инчунин бо рафти корҳои сохтмонии бинои муассисаи таълимии ғайридавлатии «Коллеҷи тиббии шаҳ ри Кӯлоб»  шинос шуданд. Маълумот дода шуд, ки бинои мазкур аз 5 ошёна иборат буда, 43 ҳуҷра хоҳад дошт, ки аз ин шумора 28 синфхона, 2 китобхона, 2 озмоишгоҳ, толори маҷлисгоҳ, 2 анбор ва дигар ҳуҷраҳои марказонидашуда бо харҷи 8,7 миллион сомонӣ мавриди истифода қарор дода мешавад. Дар оянда дар бинои навсохт 500 донишҷӯ дар ду баст таҳсил карда метавонанд.

Қоҳир Расулзода ва ҳайати ҳамроҳонаш дар шаҳри Кӯлоб дар доираи сафари корӣ аз ҷараёни корҳои сохтмонӣ дар бинои 9-ошёнаи хобгоҳи муассисаи давлатии таълимии «Коллеҷи тиббии шаҳ ри Кӯлоб» барои 700 ҷой, ки  аз ҷониби Вазорати тандурустӣ ва ҳифзи иҷтимоии аҳолӣ бунёд  мешавад,  инчунин аз рафти корҳои сохтмонии маркази хизматрасонии 5-ошёна дар хиёбони И. Сомонӣ, сохтмони бинои баландошёнаи истиқоматӣ, меҳмонхона, марказҳои фарҳангию фароғатӣ, маркази хизматрасонӣ дар маҳаллаи «Дӯстӣ» бо таъсиси 30 ҷойи корӣ,  дар хиёбони И. Сомонӣ   аз рафти корҳои сохтмонии бинои баландошёнаи истиқоматӣ, меҳмонхона, маркази савдо ва хизматрасонии 5-ошёна, ки дорои зиёда аз 50 ҷои корӣ  хоҳад буд, дидан карданд. Мавриди зикр аст, ки дар ин марказ фаъолиятҳои хизматрасонии бонкӣ, фурӯши чиптаҳои ҳавопаймоӣ ва таҷҳизотҳои электронӣ ба роҳ монда мешавад.

Қоҳир Расулзода   дар Минтақаи озоди иқтисодии Кӯлоб, ки навтаъсис аст, бо лоиҳаи сохтмони шаҳраки навбунёд барои 5 ҳазор истиқоматкунанда шинос гардид. Тибқи лоиҳа дар ин шаҳрак бунёди 292 хонаи истиқоматии якошёна, 42 хонаи истиқоматии дуошёна, биноҳои ташкилотҳои ҷамъиятӣ ва муассисаҳои хизматрасонии маишӣ, бинои Ҷамоати деҳоти Зиракӣ, қасри фарҳанг, муассисаҳои томактабӣ ва миёнаи умумӣ, майдончаҳои варзишӣ, марказҳои савдо, гулгашт барои фароғати мардуми маҳалла дар масоҳати 3,9 гектар пешбинӣ шудааст. Дар ҳудуди Ҷамоати деҳоти Зиракӣ, тибқи маълумоти раиси ҷамоат, 4,5 ҳазор нафар эҳтиёҷмандони хонаҳои истиқоматӣ  ба қайд гирифта шудаанд. Бо сохтмони ин шаҳрак масъалаи норасоии манзил ҳалли худро пайдо хоҳад кард.

Сарвазири мамлакат ба идораҳо ва шахсони масъул супориш дод, ки манзилҳои истиқоматӣ бояд тибқи талаботи шаҳрсозии муосир бунёд гардида, ба эҳтиёҷмандон  дар асоси хулосаи комиссияи дахлдор ва бо   нархҳои дастрас пешкаш  карда шаванд.

Декабрь 18, 2019 14:24

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар Хуҷанд Маҷмааи муосири варзишии «Суғд Арена» сохта мешавад
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
АГЕНТИИ НАЗОРАТИ ЭНЕРГЕТИКӢ ТАЪСИС ДОДА ШУД. Дар қонунгузории Тоҷикистон барои истифодаи ғайриқонунии неруи барқ ҷавобгарии ҷиноятӣ пешбинӣ гардид
СОҲИБКОРОНИ ВАТАНДӮСТ. Бо ташаббуси онҳо дар Хатлон сохтмони муассисаҳои таҳсилоти томактабӣ идома дорад
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Мумфаршкунии роҳи мошингарди Чимтеппа-Шарора-Ҳисор оғоз гардид
Дар шаҳри Турсунзода маркази табобатии «Осуда» ифтитоҳ гардид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
35-СОЛАГИИ ИСТИҚЛОЛИ ДАВЛАТӢ. Дар Ҳисор сохтмони 4 мактаби нав ва 2 муассисаи томактабӣ шуруъ шуд
35-СОЛАГИИ ИСТИҚЛОЛИ ДАВЛАТӢ. Дар ҳамаи ҷамоатҳои деҳоти ноҳияи Мастчоҳ кӯдакистон сохта мешавад