Имрӯз Думаи давлатии Россия масъалаи тасвиби созишномаро бо Ҳукумати Тоҷикистон оид ба ҷалби муташаккилонаи шаҳрвандони ҶТ барои кори муваққатӣ дар ФР баррасӣ мекунад
ДУШАНБЕ, 17.12.2019. /АМИТ «Ховар»/. Имрӯз вакилони Думаи давлатии Федератсияи Россия дар ҷаласаи худ масъалаи тасвиби созишномаро миёни Россия ва Тоҷикистон дар бораи ҷалби муташаккилонаи шаҳрвандони ҶТ барои кори муваққатӣ дар ФР баррасӣ мекунанд, хабар медиҳад АМИТ «Ховар» бо истинод ба ТАСС.
Тибқи ин санад, мақомоти ваколатдори давлатии Тоҷикистон ухдадоранд, ки ба шаҳрвандони худ дар бораи имконияти таъмини кор дар Федератсияи Россия бо тартиби ҷалбкунии муташаккилона ва интихоби номзадҳо барои шуғл, ки тибқи талаботи корфармо дорои тахассус ва таҷрибаи зарурӣ, омодагии касбӣ, бозомӯзӣ ва такмили ихтисос мебошанд, иттилоъ диҳанд. Дар баробари ин, дар доираи созишнома, дар рӯйхати кофтукови байналмилалӣ ё байнидавлатӣ қарор доштани номзадҳо, инчунин мавҷудияти доғи судӣ нисбат ба онҳо аз ҷониби мақомоти дахлдори Тоҷикистон санҷида мешавад.
«Татбиқи ин чорабиниҳо ҳифзи ҳуқуқҳои шаҳрвандони Ҷумҳурии Тоҷикистонро, ки мехоҳанд дар қаламрави Федератсияи Россия фаъолияти меҳнатӣ анҷом диҳанд, таъмин менамояд ва ба таъмини кор барои шаҳрвандони Ҷумҳурии Тоҷикистон, ки дорои дониш, малака ва ихтисоси мутобиқ ба талаботи корфармоёнанд, дар Федератсияи Россия мусоидат менамояд», — тазаккур медиҳанд таҳиягарон.
Ёдовар мешавем, ки созишнома 17 апрели соли равон дар шаҳри Москва аз ҷониби президентҳои Федератсияи Россия Владимир Путин ва Ҷумҳурии Тоҷикистон Эмомалӣ Раҳмон дар доираи сафари расмии Президенти Тоҷикистон ба Россия имзо шуда буд. Ба таъкиди Пешвои миллат муҳтарам Эмомалӣ Раҳмон, «ин созишнома, бешубҳа, боз як қадами муҳим дар самти фароҳам овардани шароити муносиб барои фаъолияти меҳнатии шаҳрвандони Тоҷикистон дар қаламрави Россия хоҳад буд».
Моҳи ноябр Ҳукумати Россия ин созишномаро барои тасвиб ба Думаи давлатӣ пешниҳод кард.
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
Профессор Мурод Муродӣ: «Барои ислом худнамоӣ ва шуҳратпарастӣ бегона аст, мусулмони ҳақиқӣ амали хайрашро пинҳонӣ ба анҷом мерасонад»
