Бег Қурбонзода: «Дар асоси маълумоти шаҳру ноҳияҳо вобаста ба фарқияти афзояндаи иҷтимоию иқтисодӣ байни шаҳр ва деҳот таҳлилҳо гузаронида шуд»

Январь 28, 2020 17:00

ДУШАНБЕ, 28.01.2020. /АМИТ «Ховар»/. Дар Кумитаи рушди маҳали назди Президенти  Ҷумҳурии Тоҷикистон дар асоси маълумоти ҳисоботи шаҳру ноҳияҳо вобаста ба фарқияти афзояндаи иҷтимоию иқтисодӣ байни шаҳр ва деҳот таҳлилҳо гузаронида шуданд.

Муайян гардид, ки рушди иҷтимоию иқтисодии деҳот аз ҳисоби амалигардонии ташаббусҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба Солҳои рушди деҳот, сайёҳӣ ва ҳунарҳои мардумӣ ва омодагӣ ба ҷашни 30-солагии Истиқлолияти давлатии Ҷумҳурии Тоҷикистон таъмин гардида истодааст. Зеро бо амалӣ гардонидани ин ташаббуси бевосита фарқият байни шаҳр ва деҳот бартараф гардида, он барои фароҳам овардани шароити сазовори зиндагӣ мусоидат намудааст.

Ин нуктаро муовини аввали раиси Кумитаи рушди маҳали назди Президенти  Ҷумҳурии Тоҷикистон Бег Қурбонзода имрӯз зимни нишасти матбуотии  ин ниҳод баён намуд.

Зикр шуд, ки Кумитаи рушди маҳали назди Президенти  Ҷумҳурии Тоҷикистон барои сохторҳои дахлдори шаҳру деҳот ва ба роҳ мондани корҳои ташкилӣ дар фаъолияти раисони маҳаллаҳои навтаъсис, таъминот бо утоқи корӣ ва ҷудо кардани қитъаи замин барои ҷои ҷамъиятии маҳалла мусоидат намудааст.

 Кумита дар шаҳри Хоруғ ба 21 нафар раисони маҳалла маоши мансабии баробар бо сармутахассисони шуъбаҳои дастгоҳи раиси шаҳр таъмин намудааст.  Таъмини маблағгузории маоши мансабии раисони маҳалла дар сохтори идоракунии маҳаллӣ тағйироти мусбат ба амал овард.

Зикр гардид, ки бо мақсади  таҳкими низоми идоракунии маҳаллӣ ва муайян намудани ҳуқуқу уҳдадориҳои дастгоҳи ҷамоати шаҳраку деҳот  лоиҳаи Низомномаи намунавии дастгоҳи ҷамоати шаҳрак ва деҳот аз ҷониби Кумита таҳия гардида, бо қарори Ҳукумати Ҷумҳурии Тоҷикистон аз 14 ноябри соли 2019 тасдиқ гардид.

Ҳамчунин ҷиҳати иҷрои Низомномаи мазкур ва қарор «Дар бораи таъсис додани ҷамоати деҳоту шаҳрак дар заминаи ҷамоати деҳоти Ховалинги ноҳияи Ховалинг» ва ҳалли масъалаҳои номгузории анъанавӣ дар маҳал барои иваз намудани 30 деҳаи шаҳру ноҳияи вилояти Суғд ба Дастгоҳи иҷроияи Президенти Ҷумҳурии Тоҷикистон ирсол карда шудаанд.

Ҳамчунин дар нишасти матбуотӣ оид ба сохтмон ва ба истифода додани иншооти иҷтимоиву фарҳангӣ то ҷашни истиқлолият маълумот дода шуд. Иброз гардид, ки дар шаҳру деҳот  ҷалби сармоягузорони маҳаллӣ барои бунёдкорию созандагӣ рӯз то рӯз бештар мегардад.

Январь 28, 2020 17:00

Хабарҳои дигари ин бахш

Тағйирот ба Қонун «Дар бораи минтақаҳои озоди иқтисодӣ». Ҳадафи ниҳоӣ афзоиш додани содирот ва коҳиш додани воридот аст
Ҳайати Агентии назорати давлатии молиявӣ ва мубориза бо коррупсияи Тоҷикистон дар конференсияи минтақавӣ дар Тошканд иштирок намуд
Тоҷикистон ва Чин барои сармоягузорӣ ба кони ангишти «Шӯроб» созишнома ба имзо расониданд
Тоҷикистон ва Озарбойҷон ҳамкории афзалиятнокро тақвият медиҳанд
Директори минтақавии ICAO зимни нахустин сафар ба Тоҷикистон бо фаъолияти «Тоҷикаэронавигатсия» шинос шуд
Иқтидори иқтисодии Тоҷикистон ва Озарбойҷон имкон медиҳад гардиши мол афзоиш ёбад
Дар Боку тақвияти ҳамкории Тоҷикистон ва Озарбойҷон дар соҳаи саноат баррасӣ гардид
Байни ширкатҳои Тоҷикистон ва Озарбойҷон 15 санади ҳамкорӣ ба имзо расид
Дар шаҳри Боку Анҷумани соҳибкорони Тоҷикистон ва Озарбойҷон доир гардид
Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид