ЧАРО ТАМОШОБИН БА ТЕАТР НАМЕРАВАД? Баррасии ин мавзӯъ дар барномаи таҳлилии «Бозтоб»-и Радиои «Ховар»

Январь 29, 2020 10:17

ДУШАНБЕ, 29.01.2020 /АМИТ «Ховар»/. Театр яке аз бахшҳои муҳими фарҳанг буда, онро  воситаи пуриқтидортарини таъсиррасонӣ ба тафаккури инсон  арзёбӣ намудаанд. Театр ба оинае шабоҳат дорад, ки дар он мо  гузашта ва имрӯзи  зиндагиро мебинем. Намоишҳои пурмазмуни он  моро ба худшиносиву худогоҳӣ ҳидоят  намуда,  ғизои маънавӣ мебахшанд. Воқеан ҳам рӯйдодҳои зиндагиро дар саҳнаи  театр дида, тамошобин худро хаёлан ба қаҳрамонони мусбат монанд мекунад ва бо ҳамин роҳ олами ботинии хешро  комил мегардонад.

Театри тоҷик  дар замони соҳибистиқлолӣ ба дастовардҳои зиёд  ноил гардид. Аз ҷумла, дар интихоби драмма, ҳунарпеша,  басаҳнагузории намоиш, сафарҳои эҷодӣ мустақилият ба даст овард. Дар барномаҳои он намоиши асарҳои худӣ ва рӯҳи миллидошта бештар ва пурқувват гардид.

Аммо коршиносон бар он назаранд, ки феълан кори театр ва робитаи он бо тамошобин то андозае ба мушкилӣ  рӯ ба рӯ гардидааст. Ин аст, ки баъзе аз ҳунармандон андеша доранд, ки театр рисолаташро аз даст додааст.

Театр дар ҷомеаи кунинӣ чӣ нақше дорад. Чаро тамошобин ба театр намеравад? Оё намоишномаҳои театрӣ завқи тамошобинро қонеъ карда метавонанд?  Ҳунармандон аз кӣ ва ё чӣ гиламанд ҳастанд?

Посух ба ин саволҳо ва баррасии дигар паҳлӯҳои мавзӯи мазкур дар барномаи навбатии таҳлили «Бозтоб» имрӯз, соати 11:30, (такроран) 17:30 ва 21:30 аз радиои «Ховар». Муҳаррир ва ровии барнома Моҳинави Наврӯз.

«Бозтоб»-ро пайгирӣ намоед!

Январь 29, 2020 10:17

Хабарҳои дигари ин бахш

Чаро ноболиғон ба оворагардӣ машғул шуда, ба ҷиноят даст мезананд? Баррасии ин мавзӯъ дар барномаи таҳлилии «Бозтоб»-и Радиои «Ховар»
Дар барномаи «Набзи иқтисод»-и Радиои «Ховар» вазъи қарзҳои ипотекӣ ва монеаҳои рушди он дар Тоҷикистон таҳлилу баррасӣ мегарданд
Баррасии зарурати фаъолияти равоншиноси мактабӣ дар барномаи «Бозтоб»-и Радиои «Ховар»
Дар барномаи «Набзи иқтисод»-и Радиои «Ховар» мушкилоти саноати истеҳсоли пахта ва коркарди маҳсулоти ниҳоӣ аз он баррасӣ мешаванд
Баррасии сабабҳои ҷудошавии оилаҳо ва роҳҳои пешгирии он дар барномаи «Бозтоб» -и Радиои «Ховар»
Барномаи «Гуфтугӯ»-и Радиои «Ховар» вазъи муқовимат бо коррупсия дар Тоҷикистонро матраҳ менамояд
Дар барномаи «Набзи иқтисод»-и Радиои «Ховар» ин навбат МОИ «Суғд» мавриди таҳлили коршиносон қарор мегирад
Саводи расонаӣ: шахс дар муҳити иттилоот бояд чӣ гуна бошад?
Барномаи «Дармон»-и Радиои «Ховар» ба Рӯзи байналмилалии тарки тамоку бахшида мешавад
Рӯзи байналмилалии кӯдак ва чанд масъалаи марбут ба он дар барномаи таҳлилии «Бозтоб»-и Радиои «Ховар» баррасӣ мегарданд
Меъёрҳои забони тоҷикӣ дар ВАО: оё онҳо риоя мешаванд?
Муассисаҳои таълимии шаҳру ноҳияҳои мамлакат ба давраи зимистон омодаанд? Барномаи таҳлилии «Бозтоб»-и «Радиои Ховар» ин мавзӯъро баррасӣ мекунад

Маводҳои таҳлилӣ