Дар Минск аъзои Шӯрои намояндагони доимии ваколатдори кишварҳои иштирокдори ИДМ мулоқот менамоянд
ДУШАНБЕ, 29.01.2020 /АМИТ «Ховар»/. Имрӯз, 29 январ дар қароргоҳи марказии Кумитаи иҷроияи ИДМ дар Минск таҳти раёсати Ӯзбекистон бори нахуст дар ин сол ҷаласаи Шӯрои намояндагони доимии ваколатдори давлатҳои иштирокдорони ИДМ дар назди мақомоти низомномавӣ ва дигар ташкилоти Иттиҳод баргузор мегардад, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.
Дар ҷаласа муовини Вазири корҳои хориҷии Ҷумҳурии Ӯзбекистон Илҳом Неъматов дар бораи нуктаҳои асосии Консепсияи раёсати Ӯзбекистон дар ИДМ дар соли 2020 ва чорабиниҳое, ки мутобиқи Нақшаи татбиқи онҳо пешбинӣ гардидаанд, гузориш медиҳад.
Намояндагони доимии ваколатдор лоиҳаи рӯзномаи ҷаласаи навбатии Шӯрои Вазирони корҳои хориҷии Иттиҳоди Давлатҳои Мустақилро, ки 3 апрели соли 2020 дар Қазоқистон доир мегардад, таҳия месозанд.
Нақшаи кори Шӯрои намояндагони доимии ваколатдори давлатҳо- иштирокчиёни Иттиҳод дар назди ташкилотҳои низомномавӣ ва дигар мақомоти Иттиҳод барои соли 2020 баррасӣ ва тасдиқ мешавад.
Ба ғайр аз ин, аъзои Шӯро номзадии роҳбарони гурӯҳи мушоҳидонро аз ИДМ ба интихоботи ғайринавбатӣ ва Милли Маҷлиси Ҷумҳурии Озарбойчон, ки 9 феврали соли 2020 таъйин шудааст ва ба Маҷлиси намояндагони Маҷлиси Олии Ҷумҳурии Тоҷикистон, ки 1 марти соли 2020 доир мегардад, мувофиқа менамоянд.
ДАР АКС: Дар марказ — узви Шӯро, Сафири ҶТ дар Беларус, Намояндаи доимии ваколатдори Ҷумҳурии Тоҷикистон дар назди мақомоти низомномавӣ ва дигар ташкилоти ИДМ Маҳмадшариф Ҳақдод. Акс аз бойгонӣ.
Вазорати корҳои хориҷии Ҷумҳурии Тоҷикистон барои ишғоли мансабҳои холӣ озмун эълон менамояд
Намояндаи Тоҷикистон бо котиби иҷроияи Созмони паймони манъи ҳамагонии озмоиши силоҳи ҳаставӣ мулоқот намуд
Дар Ҳамбург дурнамои густариши ҳамкории иқтисодию тиҷоратии музофот бо Тоҷикистон баррасӣ гардид
Дар Токио мулоқоти вазирони корҳои хориҷии Тоҷикистон ва Ҷопон баргузор гардид
Баёнияи муштараки вазоратҳои корҳои хориҷии Тоҷикистон ва Баҳрайн ба муносибати 30-солагии барқароршавии муносибатҳои дипломатӣ
Дар Сеул либосҳои тоҷикӣ муаррифӣ карда шуданд
Намояндаи Тоҷикистон бо мудири кулли Агентии байналмилалии нерӯи атомӣ мулоқот намуд
Дар Давлати Кувайт таҳти сарпарастии Тоҷикистон вохӯрии сафирони кишварҳои муқим баргузор гардид
Дар шаҳри Минск деворнигора бахшида ба Домулло Азизов кушода шуд
Дар Олмон ҳамкории Тоҷикистон бо Институти тадқиқоти автомобилӣ ва раиси кластери «HZwo» баррасӣ гардид
Ҳамкории Тоҷикистон бо Муассисаи фарҳангии Созмони ҳамкории иқтисодӣ баррасӣ гардид
Сафири Тоҷикистон бо Вазири маорифи Русия мулоқот намуд
