ИМА ба Шӯрои амнияти СММ омодагии хешро ҷиҳати музокирот бо Эрон хабар дод

Январь 9, 2020 14:25

ДУШАНБЕ, 09.01.2020 /АМИТ «Ховар»/. Намояндаи ҳамешагии ИМА дар СММ Келли Крафт ба Шӯрои амнияти созмон нома фиристод, ки дар он бидуни шартҳои пешакӣ омода будани Вашингтонро барои гуфтушунид бо Эрон ба хотири коҳиш додани ташаннуҷ дар минтақа хабар додааст, иттилоъ медиҳад Рейтер бо истинод ба ҳуҷҷат.

Ба қавли Крафт,  ИМА  кӯшиш мекунад,  то «нагузоранд  ба сулҳ   ва  суботи байналмилалӣ  хатарҳо эҷод шаванд ва  ё шиддат аз  ҷониби Эрон зиёд шавад».

Ба ҷуз ин, намояндаи доимӣ навиштааст, ки  қатли генерали эронӣ Қосим Сулаймонӣ  аз рӯи моддаи 51-и Оинномаи  СММ «асоснок аст», ки ин ба давлат ҳуқуқи  худмудофиа медиҳад.

Ӯ ҳамчунин  тазаккур дод, ки  зарбаҳои  ҳавоии ИМА ба  лашкари шиаи «ал- Ҳашд- аш-Шааби» 29 декабри соли 2019 посух ба  як қатор ҳамлаҳои  Эрон ва қувваҳои тарафдори онҳо буд, зеро ки амалҳояшон бар зидди  неруҳо ва манфиати  ИМА дар Шарқи Наздик  равона шуда буд».

Аввали моҳи январ Вашингтон барои қатли  Сулаймонӣ  амалиёт анҷом дод, Эрон  бо задани зарбаҳои мушакӣ  ба пойгоҳҳои Ироқ, ки он ҷо неруҳои амрикоӣ   қарор доранд,  ҷавоб дод.  Неруҳои амрикоӣ  талафот  надиданд.

Акс: © AP Photo / Koji Sasahara

Январь 9, 2020 14:25

Хабарҳои дигари ин бахш

Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид