Мудири шуъбаи Маҷмааи тандурустии «Истиқлол» Зокирҷон Шарипов: «Вазъи кунунии саломатии Бенямини Илҳом қаноатбахш аст»
ДУШАНБЕ, 28.01.2020 /АМИТ «Ховар»/. Вазъи имрӯзаи саломатии Бенямини Илҳом қаноатбахш аст. Ӯ ҳоло дар беморхона бистарӣ буда, дар ҳолати шифоёбӣ қарор дорад. Ин нуктаро мудири шуъбаи гастроэнтерологияи кӯдаконаи Маҷмааи тандурустии «Истиқлол» Зокирҷон Шарипов зимни суҳбат ба хабарнигори АМИТ «Ховар» баён дошт.
«Вақте ки Бенямин дар беморхона бистарӣ гардид, аз тарафи гурӯҳи духтурон консилиум (машварати гурӯҳӣ) гузаронида, тартиби табобаташ муайян карда шуд. Пас аз ташхису табобат ва беҳбудӣ ёфтани ҳолати мариз маълум гардид, ки барои табобати Бенямин ба хориҷи мамлакат рафтани ӯ шарт нест ва бемории ӯро дар Тоҷикистон табобат кардан мумкин аст»,-мегӯяд духтури табобаткунандаи Бенямин.
Ҳоло духтурон Фарида Бердиева ва Зокирҷон Шарипов табобати ӯро ба уҳда доранду аз вазъи саломатии ӯ шабонарӯзӣ бохабар мешаванд.
Инчунин Бенямин дар суҳбати телефонӣ иброз дошт, ки аз табобат дар беморхонаи мазкур қаноатманд буда, худро хуб эҳсос мекунад.
Муаллимаи Бенямини Илҳом Моҳпарӣ Меликова иброз намуд, ки ҳамроҳи талабагонаш ба аёдати шогирдаш рафта, аз ҳоли вай бохабар шуданд. Айни замон ӯ дар беморхона ба табобати пурра фаро гирифта шудааст.
Зокирҷон Шарипов, мудири шуъбаи гастроэнтерологияи кӯдаконаи МТ «Истиқлол»
Духтури табобаткунанда Зокирҷон Шарипов дар суҳбат иброз дошт, ки пас аз чанд рӯзи дигари табобат Беняминро аз беморхона ба хонаашон ҷавоб медиҳанд.
Ёдовар мешавем, ки 15 январи соли равон дар маросими ифтитоҳи бинои нави мактаби №65 ноҳияи Шоҳмансури шаҳри Душанбе Президенти Ҷумҳурии Тоҷикистон муҳтарам Эмомалӣ Раҳмон пас аз суҳбат бо Бенямини Илҳом ва огоҳ шудан аз бемории ӯ ба масъулин супориш доданд, ки ҳамаи имкониятҳоро дарёфта, табобати кӯдаки маризро ройгон ба роҳ монанд.
ДАР АКСИ БОЛО: Бенямини Илҳом
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
