«Қонуният ва низом дар идораи давлатӣ».Таҳти ин унвон дар Донишгоҳи давлатии Данғара форум баргузор мегардад

ДУШАНБЕ, 22.01.2020 /АМИТ «Ховар»/. 20-21 марти соли  равон  бо ташаббуси факултети идораи давлатӣ, ҳифзи ҳуқуқ ва рушди сайёҳии  Донишгоҳи давлатии Данғара ба поси хотири аввалин Прокурори генералии Ҷумҳурии Тоҷикистон Нурулло Ҳувайдуллоев таҳти унвони  «Қонуният ва низом дар идораи давлатӣ» Форуми илмии донишгоҳӣ доир мегардад.

Дар ин бора  масъули баргузории форуми мазкур  Шарифхӯҷа Ҳасанов ба АМИТ «Ховар» хабар дод. Номбурда  таъкид намуд, ки форуми мазкур ба се бахши асосӣ ҷудо шудааст:

1. Роҳу воситаҳои таҳкими қонуният ва интизом дар идораи давлатӣ;

2. Самтҳои такмили низоми миллии ҳифзи ҳуқуқ;

3. Зуҳури терроризм ва ифротгароӣ – таҳдид ба амнияти миллӣ ва суботи ҷомеа.

Ба иттилои манбаъ, маърӯзачиён метавонанд вобаста ба қисматҳои он мақолаҳои худро манзур намоянд.

Хотиррасон менамоем, ки забони кории форум тоҷикӣ, русӣ ва англисӣ буда, маводи он  дар шакли маҷмӯаи  илмӣ ба чоп мерасад.

Иштирокчиёни форум фишурдаи маърӯзаҳо ва дархостҳоро  бояд то 5  марти соли 2020 ирсол намоянд.

Маводро метавон ба суроғаи 735320, Донишгоҳи давлатии Данғара, кӯчаи марказӣ 25, кафедраи Идораи давлатӣ ва фаъолияти ҳифзи ҳуқуқ ирсол намуд.

Телефонҳо барои маълумот: 919137389, 918617980, 918258989, 907442999, +992901706070.