Ояндаи наздик мулоқоти коршиносони мақомоти гумруки Тоҷикистон ва Эрон доир мегардад
ДУШАНБЕ, 27.01.2020 /АМИТ «Ховар»/. Интизор меравад, ки дар оянда вохӯрии коршиносони мақомоти гумруки Тоҷикистон ва Эрон барои мукаммал намудани муқаррароти лоиҳаи «Протоколи техникӣ байни Хадамоти гумруки назди Ҳукумати Ҷумҳурии Тоҷикистон ва Маъмурияти гумруки Ҷумҳурии Исломии Эрон дар бораи мубодилаи электронии маълумоти гумрукӣ» баргузор гардад. Ин ва дигар масъалаҳои марбут ба тақвияти ҳамкории гумрукӣ байни Тоҷикистон ва Эрон 24 январ дар Душанбе зимни мулоқоти Сардори Хадамоти гумруки назди Ҳукумати Ҷумҳурии Тоҷикистон, генерал – майори хадамоти гумрук Хуршед Каримзода бо Сафири Ҷумҳурии Исломии Эрон дар Ҷумҳурии Тоҷикистон Муҳаммадтақӣ Собирӣ баррасӣ гардиданд.
Бояд тазаккур дод, ки лоиҳаи Протоколи мазкур бо дарки зарурати идомаи тақвияти ҳамкории гумрукии дуҷониба, аз ҷумла, оид ба мубодилаи электронии маълумоти гумрукӣ, назорати транзити гумрукии молу воситаҳои нақлиёти байни ҷонибҳо интиқолёбанда ва дар ин замина, дуруст муайян намудани арзиши гумрукии молҳо таҳия гардидааст.
Аз Хадамоти гумруки назди Ҳукумати ҷумҳурӣ ба АМИТ «Ховар» иттилоъ доданд, ки дар мулоқот ҳамзамон мусоҳибон масъалаҳои марбут ба афзоиши ҳаҷми гардиши тиҷорати хориҷӣ байни Тоҷикистону Эрон ва тақвияту густариши ҳамкории мутақобилаи судманди гумрукиро баррасӣ намуданд.
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
