Пешниҳоди филми ҳунарии «Нигоҳи ғизол» ба кинофестивалҳои ҷаҳонӣ

Январь 2, 2020 09:40

ДУШАНБЕ, 2.01.2020 /АМИТ «Ховар»/. Филми ҳунарии «Нигоҳи ғизол» мутобиқ бо меъёрҳои ҷаҳонӣ наворбардорӣ шуда,  қарор аст имсол бо зернависи забонҳои хориҷӣ ба кинофестивалҳои ҷаҳонӣ пешниҳод гардад. Дар ин бора аз Муассисаи давлатии «Тоҷикфилм» ба АМИТ «Ховар» хабар доданд.

Мавриди зикр аст, ки нахустнамоиши филми ҳунарии «Нигоҳи ғизол» 29 декабри соли сипаригардида дар толори кинои Муассисаи давлатии «Тоҷикфилм» манзури тамошобинон гардид.

Ба иттилои  манбаъ, филми мазкур дар фасли баҳори соли гузашта дар минтақаи Қаратоғ бо коргардонии Носир Раҳмон таҳия шуда, дар он Аҳмадҷон Қутбиддинзода, Фахриддин Саъдиев, Самоҷони Тағойзода ва Фирдавс Ҷалилов нақш офаридаанд.

Мазмуни мухтасари филми мазкур чунин аст, ки чор марди камондор бо нияти шикори саргалаи оҳувон ба парваришгоҳи ҳайвонҳои нодир сафар мекунанд. Аммо Сӯҳроб, ки нигоҳубини он манзараро ба уҳда дорад, садди роҳи онҳо мегардад. Ҳамин тавр шахсони тамаъҷӯй, ки роҳбарашон  Мансури ланг аст, бо  Сӯҳроб муноқиша мекунанд. Аз як тараф, агар сужаи филм тамошобинро дунболи худ барад, аз сӯйи дигар, зебогии манзараҳои Қаратоғ ҳамагонро мафтун менамояд.

Ногуфта намонад, ки филми ҳунарии «Нигоҳи ғизол» ба Солҳои рушди деҳот, сайёҳӣ ва ҳунарҳои мардумӣ бахшида шуда,  коргардони он Носир Раҳмон ва наворбардор Шуҳрат Қурбонов мебошанд.

Ба филми мазкур сароянда ва бастакори маъруфи тоҷик Далер Назаров оҳанг бастааст.

Январь 2, 2020 09:40

Хабарҳои дигари ин бахш

ОБУ ҲАВО: Имрӯз дар Тоҷикистон ҳаво то 41 дараҷа гарм мешавад
Кумитаи ҳолатҳои фавқулода ва мудофиаи гражданӣ дар Хоруғ машқи тактикӣ гузаронид
Дар Кумитаи ҳолатҳои фавқулода барои кормандон барномаи омӯзишии компютерӣ оғоз гардид
ОБУ ҲАВО: Имрӯз дар Тоҷикистон ҳавои камабр ва тағйирёбанда дар назар аст
Вазорати корҳои дохилӣ дар шаҳри Кӯлоб барномаҳои илмию варзишӣ баргузор намуд
Дар ноҳияи Хуросон ба ҷавондухтарон ҳунари пазандагӣ меомӯзанд
Дар ноҳияи Лахш 3,5 км роҳи маҳаллӣ ва 2 км роҳи ҷумҳуриявӣ мумфарш мегарданд
ОБУ ҲАВО: Имрӯз дар баъзе ноҳияҳои Тоҷикистон борони кӯтоҳмуддат меборад
Маркази шаҳри Турсунзодаро 38 ҳазор гулҳои рангоранг шукуфон мегардонанд
ОБУ ҲАВО: Имрӯз дар баъзе ноҳияҳои Тоҷикистон борони кӯтоҳмуддат меборад
Дар Хатлон 72 ҳазору 580 дона ширинии пастсифат ва 3787 дона бозичаҳои ғайристандартии чинӣ аз муомилот бароварда шуданд
ОБУ ҲАВО: Имрӯз дар Тоҷикистон ҳаво то 43 дараҷа гарм мешавад

Хабарҳои муҳимтарин