«Телефони боварӣ»-и Вазорати маориф ва илми Ҷумҳурии Тоҷикистон бо шумораи 227-76-86 фаъол аст
ДУШАНБЕ, 31.01.2020 /АМИТ «Ховар»/. Имрӯз зимни нишасти матбуотии Вазорати маориф ва илми Ҷумҳурии Тоҷикистон ба хабарнигорон иттилоъ дода шуд, ки бо мақсади таъмини робитаи доимии шаҳрвандон, инчунин сари вақт бохабар будан аз мушкилоти ҷойдоштаи соҳаи маориф дар минтақаҳо, пешгирии ҳолатҳои коррупсионӣ дар муассисаҳои таълимӣ «Телефони боварӣ»-и Вазорати маориф ва илми Ҷумҳури Тоҷикистон бо шумораи 227-76-86 фаъол аст.
Вазири маориф ва илми Ҷумҳурии Тоҷикистон Муҳаммадюсуф Имомзода иброз дошт, ки соли 2019 тавассути телефонии боварии вазорат 207 нафар муроҷиат намудаанд. Муроҷиатҳо асосан фарогири масоили ҷамъоварии маблағ барои таъмири муассисаҳои таълимӣ, қарздории музди маош ва пардохт нагардидани маблағи рухсатии меҳнатии омӯзгорон, ҷамъоварии маблағи моҳона, муносибати дағалонаи омӯзгор бо хонандагон ва амсоли инҳо мебошанд. Нисбат ба ҳар занги воридшуда масъулин тадбирҳои зарурӣ андешида, талабу дархости шаҳрвандонро қонеъ гардониданд. Инчунин аз 207 занги телефонӣ 112-тои он хусусияти машваратӣ дошт, ки сари вақт аз ҷониби масъулин ба суолҳои шаҳрвандон посухҳои мушаххас дода шуданд.
М.Имомзода ҳамчунин зикр кард, ки Вазорати маориф ва илми Ҷумҳурии Тоҷикистон ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон ҷиҳати баландбардории сатҳу сифати таълим ва савияи донишу малакаи омӯзгорон дар ҷумҳурӣ тадбирҳои қатъӣ ва муассир меандешад.
Дар нишасти матбуотӣ ҳамчунин иттилоъ дода шуд, ки соли 2019 ба Хадамоти давлатии назорат дар соҳаи маориф бештар аз 300 муассисаи таълимӣ, корхона, шахсони ҳуқуқию воқеӣ барои гирифтани иҷозатнома муроҷиат намуданд, ки онҳо аз ташхиси иҷозатномадиҳӣ гузаронида шуданд. Бо сабаби ҷавобгӯи талабот набудани ҳуҷҷатҳои пешниҳодшуда ба филиали Муассисаи давлатии таълимии «Маркази таълимии калонсолони Тоҷикистон дар ноҳияи Фархор», ҶДММ «Элегант-Континентал»-и шаҳри Турсунзода, Муассисаи давлатии таълимии «Литсейи саноати кишоварзии ноҳияи Мастчоҳ иҷозатнома дода нашуд.
Дар асоси муроҷиати шахсони ҳуқуқии иҷозатномадор-Ҷамъияти масъулияташ маҳдуди «Саманд-90» дар шаҳри Душанбе, ҶДММ «Фаридун»-и шаҳри Душанбе фаъолияти гурӯҳҳои таълимии онҳо дар шаҳри Ваҳдат ва ноҳияи Рӯдакӣ қатъ карда шуд.
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
