Тоҷикистон дар мубориза бо зуҳуроти номатлуб дар арсаи байналмилалӣ мавқеи мушаххас дорад

Январь 14, 2020 11:34

ДУШАНБЕ, 14.01.2020/АМИТ «Ховар»/. «Тоҷикистон ҳамчун узви комилҳуқуқи ҷомеаи ҷаҳонӣ нисбат ба равандҳои асосии сиёсати байналмилалӣ дар канор набуда, дар масъалаҳои мубориза бо падидаҳои экстремизму терроризм, таҳкими таҳаммулпазирии динӣ ва муносибатҳои мутақобилаи байнитамаддунӣ мавқеи мушаххаси худро дорад». Ин нукта зимни баррасии «Консепсияи сиёсати давлатии  Ҷумҳурии Тоҷикистон дар соҳаи дин», ки дар Бонки миллии Тоҷикистон бо иштироки кормандони Дастгоҳи марказии Бонки миллии Тоҷикистон доир гардид, зикр шуд.

Муовини Раиси Бонки миллии Тоҷикистон Лола Салимова гуфт, 4 апрели соли 2018 бо фармони Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Консепсияи сиёсати давлатии Ҷумҳурии Тоҷикистон дар соҳаи дин» қабул гардид, ки он мақсаду вазифаҳо ва самтҳои афзалиятноки сиёсати давлатии Ҷумҳурии Тоҷикистон дар соҳаи динро бо дарназардошти манфиатҳои миллии кишвар муайян ва танзим менамояд.

Бояд зикр кард, ки ҳадафи асосии Консепсия муқаррар намудани дурнамои дарозмуҳлат ҷиҳати ҳифзи ҳуқуқу озодиҳои динии инсон ва шаҳрванд, рушди пояҳои давлати дунявӣ, густариши таҳаммулпазирӣ ва эҳтиром ба тамоми дину мазҳабҳо, таъмини амният ва ҳамдигарфаҳмиву ризоият дар фазои динии кишвар мебошад.

Дар ҷаласа сардори шуъбаи тарҷумаи Дастгоҳи роҳбарияти БМТ Мирзоҳасан Султонов зимни шарҳи рӯнамоӣ дар мавзӯи «Консепсияи сиёсати давлатии Ҷумҳурии Тоҷикистон дар соҳаи дин» иштирокдорони ҷаласаро бо заминаҳои қабули консепсия, вазъи кунунии сиёсати давлатӣ дар соҳаи дин, мақсад ва ҳадафҳои асосии сиёсати давлатӣ дар соҳаи дин, муносибати давлат ва иттиҳодияҳои динӣ ва муносибати давлат бо омили динӣ дар сиёсати хориҷии Ҷумҳуриии Тоҷикистон шинос намуд.

Инчунин сардори Идораи кормандони БМТ Давлаҳмад Гадоев зикр кард, ки имрӯз инсоният ба хатарҳои нави глобалӣ- терроризм ва экстремизм рӯ ба рӯ гардидааст. Терроризм ва ифротгароӣ яке аз зуҳуроти номатлуб дар замони имрӯза ба шумор рафта, зуҳуроти мазкур боиси ба миён омадани оқибатҳои нохуш — таҳдид ё истифодаи зӯроварӣ, расонидани зарари вазнин, бенизомӣ, тағйири сохти конститутсионӣ дар мамлакат, ғасби ҳокимият ва барангехтани низои миллӣ, иҷтимоӣ ва динӣ мебошад. Зикр шуд, ки ин зуҳуроти номатлуб дар ҷаҳон доман паҳн карда, хатари бузурги иҷтимоиву амниятӣ дорад. Бинобар ин, ҷомеа бояд Президенти Ҷумҳурии Тоҷикистон муҳтарам Эмомалӣ Раҳмонро дар ин самт дастгирӣ карда, омилҳои пайдоиши терроризм ва экстремизмро пешгирӣ намуда, барои ҳифзи якпорчагии давлатамон ҳамеша омода бошем.

Январь 14, 2020 11:34

Хабарҳои дигари ин бахш

АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
ҚУРБИ АСЪОР: дар Тоҷикистон 1 доллари ИМА аз 9.6047 то 9.6500 сомонӣ муқаррар шудааст
Сатҳи забондонии кормандони милитсияи Хатлон санҷида мешавад
ҚУРБИ АСЪОР: дар Тоҷикистон 1 рубли русӣ аз 0.1189 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.5549 то 9.6500 сомонӣ муқаррар шудааст
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст