«Тоҷикстандарт» аз вуруди 5 тонна маҳсулоти қаннодии пастсифат ба бозорҳо ҷилавгирӣ намуд
ДУШАНБЕ, 28.01.2020. /АМИТ «Ховар»/. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») воридоти 5 тонна маҳсулоти қаннодӣ — ириси «Aitan»-ро ба бозорҳои ҷумҳурӣ пешгирӣ намуд.
Тавре ба АМИТ «Ховар» аз «Тоҷикстандарт» хабар доданд, дар доираи корҳои сертификаткунонии маҳсулот ба озмоишгоҳи ташхиси маҳсулоти хӯроквории дастгоҳи марказии Агентии «Тоҷикстандарт» намунаи маҳсулоти қаннодӣ – ириси «Aitan», ки аз ҷониби соҳибкори инфиродӣ ворид карда шудааст, пешниҳод гардид.
«Намунаи ириси мазкур бо риояи қоидаҳои ташхис ва истифодаи усулҳои муқарраршуда дар озмоишгоҳи ташхиси маҳсулоти хӯроквории Агентии «Тоҷикстандарт» аз ташхис гузаронида шуд. Дар раванди ташхиси физикӣ-кимиёвӣ муайян карда шуд, ки намунаи маҳсулоти қаннодии пешниҳодгардида аз рўи нишондоди сифат ва бехатарӣ ба талаботи ҳуҷҷати меъёрии ГОСТ 6478-89 «Ирис. Шартҳои техникии умумӣ» мутобиқ нест», — афзуд манбаъ.
Ҳамзамон гуфта шуд, ки бо дарназардошти ин, ба маҳсулоти мазкур сертификати мутобиқат дода нашуда, барои муайян намудани ҳолати минбаъдаи миқдори умумии маҳсулоти қаннодии воридгардида, ки 5000 кг-ро ташкил медиҳад, ҷиҳати тибқи низоми «Реэкспорт» аз қаламрави ҷумҳурӣ берун баровардани маҳсулоти мазкур ба Хадамоти гумрук дархост пешниҳод гардид.
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
