БАБРИ БАРФӢ — БРЕНДИ ТОҶИКИСТОН. Он дар Намоишгоҳи байналмилалии сайёҳӣ «ITB Berlin-2020» муаррифӣ мегардад
ДУШАНБЕ, 25.02.2020. /АМИТ «Ховар»/. Яке аз ҳайвонҳои нодири Тоҷикистон — бабри барфӣ ё озодапаланг ҳамчун бренди сайёҳии мамлакат дар Намоишгоҳи байналмилалии сайёҳӣ «ITB Berlin-2020», ки аз 4 то 8 март дар шаҳри Берлини Ҷумҳурии Федеративии Германия доир мешавад, муаррифӣ мегардад. Дар ин бора АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.
Мутобиқи маълумоти махзанҳои иттилоотӣ, Тоҷикистон аз ҷумлаи 12 кишвари дорои макони зисти озодапаланг дар ҷаҳон аст. Озодапаланг ҳайвони ваҳшии нодиртарин маҳсуб шуда, ба «Китоби Сурх»-и ҷаҳонӣ (1963) ва «Китоби Сурх»-и Тоҷикистон (1988) шомил шудааст. Он ҳамчун зеботарин ҳайвони кӯҳӣ шинохта шуда, мавҷуд будани макони зисти он дар ҳар кишвар нишонгари поктарин экосистема аст.
«Ҷумҳурии Тоҷикистонро дар Намоишгоҳи байналмилалии сайёҳӣ «ITB Berlin-2020» 60 нафар, аз ҷумла роҳбарияти Кумитаи рушди сайёҳӣ, намояндагони 21 ширкати сайёҳии ватанӣ, 4 меҳмонхона ва намояндагони Сафорати Тоҷикистон дар Германия ба муносибати Солҳои рушди деҳот, сайёҳӣ ва ҳунарҳои мардумӣ намояндагӣ ва муаррифӣ менамоянд», — иброз доштанд дар Кумитаи сайёҳӣ ба мухбири Агентӣ.
Дар ин намоишгоҳи сатҳи ҷаҳонӣ гўшаи сайёҳии Тоҷикистон таҳти унвони «Тоҷикистон — мамлакати сайёҳӣ» дар масоҳати 40 метри мураббаъ бо тарҳу усули миллӣ ва муосир ба тамошои дўстдорони сайру саёҳат гузошта мешавад.
Дар доираи баргузории Намоишгоҳи мазкур интизор меравад, ки дар ҳамкорӣ бо Сафорати Тоҷикистон дар Германия бо иштироки васеи ширкатҳои ватанӣ ва германӣ Форуми сайёҳии Тоҷикистон ва Германия доир гардад.
Ҳамчунин тибқи анъана, ҳамасола дар доираи Намоишгоҳи байналмилалии сайёҳии «ITB Berlin» ҷаласаи вазирони кишварҳои ҳавзаи «Шоҳроҳи Абрешим»-и Созмони умумиҷаҳонии сайёҳӣ доир мешавад.
«ITB Berlin» намоишгоҳи пешоҳанги тиҷоратии ҷаҳонӣ, тарғиботӣ оид ба имкониятҳои сайёҳии ҳар як давлат мебошад. Бо дастгири ҳамешагии Пешвои миллат муҳтарам Эмомалӣ Раҳмон ва Ҳукумати мамлакат иштироки намояндагони Тоҷикистон дар ин намоишгоҳи бонуфузи ҷаҳонӣ ҳамчун узви комилҳуқуқи Созмони умумиҷаҳонии сайёҳӣ барои таблиғи захираҳои сайёҳии мамлакат хеле муфид буда, имкон медиҳад, ки байни ширкатҳои сайёҳии ватанию хориҷӣ қарордодҳои ҳамкорӣ ба имзо расонида шуда, ҷалби сайёҳони хориҷӣ аз қораи Аврупою Осиё вусъат дода шавад», — зикр намуд манбаъ.
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
