Бозии мунтахаби наврасони то 16-солаи Тоҷикистон ва Озарбойҷон мусовӣ анҷом ёфт

Февраль 7, 2020 13:20

ДУШАНБЕ, 07.02.2020 /АМИТ «Ховар»/. Дастаи мунтахаби наврасони то 16-солаи Тоҷикистон  оид ба футбол дар доираи ҷамъомади таълимиву тамринии даста дар шаҳри Анталияи Туркия бо ҳамсолони худ аз Озарбойҷон вохӯрӣ гузаронид, ки он бо ҳисоби 1:1  ба анҷом ёфт. Голро аз ҳайати Тоҷикистон Кабир Салимшоев ба ҳадаф расонид. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дар аввалин бозии санҷишии дастаи мунтахаби наврасони Тоҷикистон ба  муқобили дастаи «Коняспор»-и Туркия ҳисоб ба 1:1 баробар шуд. Бозии дуюми санҷиширо футболбозони навраси тоҷик 2  феврал бо дастаи «Виктория»-и Берлини Германия баргузор карда, бо ҳисоби 2:0 ғолиб омаданд.

Бозии хотимавии санҷишӣ дар шаҳри Анталияи Туркия миёни дастаҳои мунтахаби наврасони Тоҷикистон ва «Дебресен»-и Венгрия 8  феврал баргузор мешавад.

Ҷамъомади таълимиву тамринӣ дар Туркия яке аз марҳилаҳои омодагии футболбозони навраси тоҷик ба Чемпионати  Осиё-2020 маҳсуб мешавад, ки аз 16  сентябр то 3  октябр дар Баҳрайн доир мегардад.

Бозиҳои санҷишӣ

31 январ (ҷумъа)

Тоҷикистон (U-16) – «Коняспор» (U-17, Туркия) – 1:1

Голи Тоҷикистон: Хусрав Тоиров.

2 феврал (якшанбе)

Тоҷикистон (U-16) – «Виктория» (U-17, Берлин, Германия) – 2:0

Голҳо: Суннатулло Азизов (2).

6 феврал (панҷшанбе)

Тоҷикистон (U-16) – Озарбойҷон (U-17) – 1:1

Голи Тоҷикистон: Кабир Салимшоев

8 феврал (шанбе)

Тоҷикистон (U-16) – «Дебресен» (U-17, Венгрия)

Акс аз сомонаи ФФТ

Февраль 7, 2020 13:20

Хабарҳои дигари ин бахш

Дар Боғи «Ирам»-и шаҳри Душанбе Намоишгоҳи гулу растанӣ ташкил карда шуд
Хоҷагии деҳқонии «Муҳсиддин»-и шаҳри Ваҳдат 4 оиларо бо маҳсулоти кишоварзӣ таъмин менамояд
Барои истифодаи ғайриқонунии неруи барқ аз ҷониби милитсияи пойтахт 4 парвандаи ҷиноятӣ оғоз шуд
Имрӯз дар водиҳои Тоҷикистон ҳаво то 32 дараҷа гарм мешавад
«Сомон Эйр» парвозҳоро дар масири Душанбе-Мюнхен-Душанбе афзоиш медиҳад
Тарғиби чорабиниҳои сатҳи баланди Тоҷикистон дар доираи Соли байналмилалии ҳифзи пиряхҳо дар Туркманистон
Ҳайати Тоҷикистон дар намоишгоҳи «Iran Expo 2025» иштирок намуд
Дар Душанбе Форуми байналмилалии «Занҳои ихтироъкор – 2025» баргузор гардид
Шумораи ҳалокшудагони таркиш дар бандари Эрон ба 70 нафар расид
То 2 май дар баъзе ноҳияҳои Тоҷикистон баландшавии ҳолати ифлосшавии ҳавои атмосфера дар назар аст
Имрӯз дар Тоҷикистон ҳаво то 35 дараҷа гарм мешавад
ИСТИФОДАИ САМАРАНОКИ ЗАМИН. Сокинони шаҳри Бохтар дар замини наздиҳавлигияшон гармхона ташкил намуданд