Дар ҷаҳон, ба истиснои Чин, 2,5 ҳазор нафар ба коронавирус мубтало шудаанд

ДУШАНБЕ, 26.02.2020 /АМИТ «Ховар»/. То субҳи рӯзи сешанбе, 25 феврал, шумораи гирифторони коронавируси COVID-9 дар саросари ҷаҳон, ба истиснои қисми материкии Чин, ба 2,438 ҳазор расида, дар як шабонарӯз 234 ҳодисаи ошкоршавии беморӣ зиёд шудааст. Дар ин бора АМИТ «Ховар» бо истинод ба рӯзномаи South China Morning Post хабар медиҳад.

Ба маълумоти манбаъ, шумораи қурбониёни коронавирус дар як шабонарӯз аз 26 то 37 нафар афзудааст: 12 нафар дар Эрон, 9 нафар дар Кореяи Ҷанубӣ, 7 нафар дар Италия, 4 нафар дар Япония, 2 нафар дар Ҳонконг ва як ҳолатӣ фавти гирифторони ин беморӣ дар Франсия, Тайван ва Филиппин ба қайд гирифта шудааст.

Шумораи бештари беморон — 893 нафар дар Кореяи Ҷанубӣ ба қайд гирифта шудааст. Дар ҳудуди Япония 838 нафар муайян шудааст. Беш аз 630 нафари онҳо мусофирон ва аъзои экипажи Diamond Princess, ки дар Йокогама дар карантин қарор дорад, мебошанд.

Дар Италия 229 бемор, дар Сингапур — 90, дар Ҳонгконг — 81, дар Эрон — 47, дар Тайланд ва ИМА — 35 нафарӣ, дар Тайван — 28, дар Австралия — 23, дар Малайзия — 22, дар Германия ва Ветнам — 16 нафарӣ, дар Амороти Муттаҳидаи Араб ва Бритониёи Кабир — 13 нафарӣ, дар Франсия — 12, дар Макао ва Канада — 10 нафарӣ ба қайд гирифта шудаанд. Камтар аз 10-ҳодисаӣ дар Филиппин, Ҳиндустон, Кувайт, Испания, Уммон, Россия, Афғонистон, Баҳрайн, Белгия, Камбоҷа, Миср, Финландия, Исроил, Ливан, Непал, Шри-Ланка, Шветсия, Швейтсария, Алҷазоир, Каталония, Хорватия ба қайд гирифта шудаанд.