Дар Антарктида аз ҳисоби ҳарорати баланд барф зуд об мешавад

Февраль 26, 2020 12:34

ДУШАНБЕ, 26.02.2020 /АМИТ «Ховар»/. Дар робита ба ҳарорати баланде, ки дар Антарктида ба қайд гирифта шуд, тақрибан 20% қабати барфии ҷазираи Игл об шуд, хабар медиҳад АМИТ «Ховар» бо истинод ба CNN.

Дар аксҳои нави моҳворавие, ки NASA пешниҳод намудааст, ҷазираи Игл, ки дар самти шимолу шарқи Антарктида воқеъ аст,   дар оғоз ва охири гармои антарктикӣ тасвир шуда, моҳи феврали соли 2020 ба қайд гирифта шудаанд. Аксҳо рӯзҳои 4 ва 13 феврал гирифта шудаанд. Дар акси  дуюм ба таври возеҳ маълум аст, ки  қисми зиёди заминҳои зери яхбандӣ мондаи ҷазира кушодаанд ва дар рӯи замин чашмаҳои об мавҷуданд. Давоми нуҳ рӯз тақрибан 20 фоизи миқдори умумии барфҳои мавсимӣ дар ҷазираи Игл об шудаанд.

“Ягон маротиба то ҳол дар Антарктида барф бо чунин шиддат об нашудааст. Чунин шиддати обшавии барф қаблан дар Аляска ва Гренландия мушоҳида мешуд, аммо он ба Антарктида хос нест”, -мегӯяд геологи амрикоӣ Маури Пелто.

Қаблан иттилоъ дода шуда буд, ки  9 феврал дар ҷазираи Сеймур ҳарорати 20,75 дараҷа сабт шудааст. Тибқи иттилои NASA, худи ҳамон рӯз чунин ҳарорат дар Лос-Анҷелес низ ба мушоҳида расид.

Февраль 26, 2020 12:34

Хабарҳои дигари ин бахш

Се олим бо ҷоизаи Нобел дар бахши иқтисод дар соли 2025 сарфароз гардонида шуданд
Дар шаҳри Толятии Федератсияи Русия ошхонаи миллии тоҷикӣ ифтитоҳ гардид
Раёсат дар Иттиҳоди Давлатҳои Мустақил дар соли 2026 ба Туркманистон гузашт
Имрӯз дар Минск ҷаласаи Шурои сарони ҳукуматҳои ИДМ баргузор мегардад
Шумораи давлатҳо ва ҳайатҳое, ки дар Бозиҳои III ИДМ иштирок менамоянд, эълон гардид
Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд