Дар Душанбе аввалин маросими унвондиҳии варзишгарон дар соли 2020 доир гардид

Февраль 12, 2020 09:28

ДУШАНБЕ, 12.02.2020. /АМИТ «Ховар»/. Дар Кумитаи миллии олимпии Тоҷикистон 11 феврал бо иштироки Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода аввалин маросими унвондиҳии варзишгарон дар соли 2020 доир шуд. Дар ин бора корманди Кумитаи  кор бо ҷавонон ва варзиш  Каримҷон Салимзода ба шореҳи варзиши АМИТ «Ховар» Меҳрони Қурбон хабар дод.

Дар маросими расмии унвондиҳӣ 53 нафар варзишгарону мураббиён ва собиқадорони соҳа бо унвонҳои варзишӣ, аз ҷумла, 24 нафар бо унвони «Устоди варзиши Ҷумҳурии Тоҷикистон», 11 нафар бо унвони «Устоди варзиши дараҷаи байналмилалӣ», 1 нафар бо унвони «Устоди шоистаи варзиши Ҷумҳурии Тоҷикистон», 10 нафар бо унвони фахрии варзишии «Мураббии шоистаи Ҷумҳурии Тоҷикистон» ва 7 нафар бо унвони фахрии варзишии «Корманди шоистаи тарбияи ҷисмонӣ ва варзиши Ҷумҳурии Тоҷикистон» сарфароз гардиданд.

Тибқи иттилои манбаъ, дар ҷараёни маросим раиси Кумита аз осорхонаи Кумитаи миллии олимпии Тоҷикистон дидан намуда, сипас бо варзишгарони лаёқатманди мамлакат суҳбату вохӯрӣ намуд. Зикр шуд, ки имрӯзҳо аз ҷониби роҳбарияти олии мамлакат ба рушди соҳаи тарбияи ҷисмонӣ, хосса аз лиҳози модию молиявӣ дастгирию ҳавасманд намудани варзишгарон таваҷҷуҳи аввалиндараҷа зоҳир карда мешавад. Чунончи дар асоси фармони Президенти Ҷумҳурии Тоҷикистон аз 9 январи соли 2015 «Дар бораи ҷоизаи Президенти Ҷумҳурии Тоҷикистон» ба ғолибон ва ҷоизадорони мусобиқаҳои байналмилалии варзишӣ 6 маротиба амрҳои Президенти мамлакат қабул гардида, 180 нафар варзишгарони мамлакат ба маблағи 3 793 500 сомонӣ ҳавасманд гардонида шудаанд, ки аз ин миқдор танҳо соли 2019 42 нафар варзишгарони муваффақи мамлакат бархурдор ва ба миқдори 911 250 сомонӣ ҳавасманд карда шудаанд.

Дар натиҷаи баргузор намудани 5 ҷаласаи комиссияи унвондиҳии Кумита соли 2019  739 нафар бо унвони “Номзад ба устоди варзиши Ҷумҳурии Тоҷикистон”, 150 нафар бо унвони “Устоди варзиши  Ҷумҳурии Тоҷикистон” ва 39 нафар бо унвони “Устоди варзиши дараҷаи байналмилалӣ” сарфароз гардонида шудаанд. Инчунин 13 нафар бо унвони фахрии “Мураббии шоистаи варзиши Ҷумҳурии Тоҷикистон” ва 17 бо унвони “Кормандаи шоистаи тарбияи ҷисмонӣ ва варзиши Ҷумҳурии Тоҷикистон” мушарраф гардиданд.

Февраль 12, 2020 09:28

Хабарҳои дигари ин бахш

Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд