Дар Душанбе татбиқи равандҳои инноватсионӣ дар фаъолияти китобхонаҳоро баррасӣ намуданд

Февраль 19, 2020 16:30

 ДУШАНБЕ, 19.02.2020. /АМИТ «Ховар»/.  Имрӯз дар Муассисаи давлатии «Китобхонаи миллии Тоҷикистон» таҳти  унвони «Роҳҳои   татбиқи равандҳои инноватсионӣ дар фаъолияти китобхонаҳои Ҷумҳурии Тоҷикистон» бо иштироки коршиносони соҳаи китобдорӣ ҳамоиш доир гардид.

Тавре мухбири АМИТ «Ховар» хабар медиҳад, дар ҳамоиш олимону  коршиносон дар  мавзӯи  роҳҳои   татбиқи равандҳои инноватсионӣ дар фаъолияти китобхонаҳо маърӯза карданд.

Директори Муассисаи давлатии «Китобхонаи миллии Тоҷикистон», доктори илмҳои педагогӣ, профессор Ҷумахон Файзализода иброз дошт, ки “масъалаи кадрҳои китобдорӣ ҳоло хеле нигаронкунанда аст. Зеро  китобхона дар ҷаҳони иттилоотии имрӯза як маркази бисёр муҳими ба даст овардани илму дониш  мебошад. Бояд тамоми иттилооти дунё дар китобхона ҷамъ ва баррасӣ шавад. Дар ин замина кадрҳои соҳибтахассус, мутаассифона, кам ҳастанд”.

Дар ҳамоиш ҳамчунин доктори илмҳои филологӣ, узви вобастаи Академияи илмҳои Ҷумҳурии Тоҷикистон, профессор Сайфиддин Назарзода, директори Китобхонаи марказии илмии ба номи Индира Гандии Академияи илмҳои Ҷумҳурии Тоҷикистон Шодимуҳаммад Сӯфизода ва дигарон маърӯза намуданд.

Зикр гардид, ки имрӯз дар Ҷумҳурии Тоҷикистон 6050 китобхона фаъолият доранд, ки  аз ин 1358 адад дар низоми Вазорати фарҳанги Ҷумҳурии Тоҷикистон, 110 адад дар вазорату идораҳо ва 4582 адад дар низоми Вазорати маориф ва илм фаъолият доранд.

Февраль 19, 2020 16:30

Хабарҳои дигари ин бахш

Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
22 июл дар Тоҷикистон нишастҳои матбуотии вазорату идораҳо оғоз мегарданд
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид