Дар Тоҷикобод 182 лоиҳа ба маблағи 117 миллион сомонӣ татбиқ карда мешаванд

Февраль 12, 2020 10:50

ТОҶИКОБОД, 12.02.2020 /АМИТ «Ховар»/.  Дар ноҳияи Тоҷикобод мутобиқи Барномаи рушди иҷтимоию иқтисодии ноҳия барои солҳои 2018-2020 татбиқи 182 лоиҳа ба маблағи 117 миллион сомонӣ ба нақша гирифта шудааст.

Хушбахтона, то соли 2019  30 лоиҳа ба маблағи 14 миллиону  244 ҳазор сомонӣ татбиқ гардиданд.  Дар назар аст, ки соли 2020 лоиҳаҳои идомаи сохтмони бинои қасри фарҳанг ба маблағи умумии 10 миллиону  700 ҳазор сомонӣ, идомаи чароғон ва мумфарш намудани кӯчаҳои маркази ноҳия ба маблағи умумии 8 миллион сомонӣ, сохтмони боғи фарҳанги ноҳия ба маблағи 12 миллиону 800 ҳазор сомонӣ, сохтмони 18  синфхонаи иловагӣ дар назди се муассисаи таълимӣ, навсозии бинои муассисаи таълимии №10 ба маблағи  як миллион сомонӣ, сохтмони дарвозаи даромадгоҳи ноҳия ба маблағи 500 ҳазор сомонӣ ва бунгоҳҳои тиббии деҳаҳои Оби сафед ва Дараи Нӯшор амалӣ мешаванд. 7 лоиҳаи дигар ба маблағи 8 миллион сомонӣ мавриди омӯзиш қарор доранд. Дар ин бора Раиси ноҳияи Тоҷикобод Ҳамидулло Маҳмадшозода зимни нишасти матбуотӣ ба хабарнигорон  иттилоъ дод.

Дар ноҳия  баҳри рушди соҳибкории хурду миёна шароити муносиб муҳайё  гардидааст. Соли 2019 дар ҳудуди  ноҳия   1446 субъекти соҳибкорӣ  ба қайд гирифта шудааст, ки нисбат ба соли 2018  68  адад зиёд мебошад. Хоҷагиҳои деҳқонии ноҳия  ба 1124 адад  расидаанд, ки 222 ададашро занони кордони ноҳия ташкил менамоянд.

Масъулин ба саволҳо дар мавриди мушкилоти соҳаҳои гуногун, аз қабили норасоии духтурони маълумоти олидор, кӯҳнаю фарсуда будани бинои беморхонаи марказии ноҳия, дар хона-вагон ҷойгир будани чанд бунгоҳи тиббӣ, бо бинои маъмурӣ таъмин набудани Маркази санитарӣ-эпидемиологии ноҳия, норасоии омўзгорони соҳибихтисос, дар ҳолати садамавӣ қарор доштани 9 бинои мактаб ва таҷҳизонидани кабинетҳои фаннӣ посух доданд, ки дар сурати пайдо гардидани сарчашмаҳои маблағгузорӣ, дастгирии соҳибкорони ватанию вазорату идораҳои ҷумҳурӣ ин мушкилот давра ба давра бартараф мешаванд.

Февраль 12, 2020 10:50

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст