Ҳилолбӣ Қурбонзода: «Тасмим гирифтем дар баъзе шаҳру ноҳияҳои ҷумҳурӣ ташхиси ройгони гирифторони ВНМО ва саратонро ба роҳ монем»
ДУШАНБЕ, 12.02.2020 /АМИТ «Ховар»/. Кумитаи кор бо занон ва оилаи назди Ҳукумати Ҷумҳурии Тоҷикистон иқдом гирифтааст, ки имсол дар баъзе шаҳру ноҳияҳои ҷумҳурӣ дар самти бемориҳои ВНМО ва бемории саратон ташхиси ройгони занонро ба роҳ монад. Ин нуктаро Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода имрӯз зимни нишасти матбуотии ин ниҳод ба хабарнигорон иброз дошт.
Мавсуф роҳандозии ин иқдомро ба пешгирии бемориҳои ВНМО ва саратонӣ миёни занони тоҷик рабт медиҳад.
Тибқи маълумоти Вазорати тандурустии мамлакат, ҳоло шумораи умумии гирифторони бемории ВНМО 1320 нафарро ташкил медиҳад, ки 548 нафараш занонанд.
Зимни нишаст ҳамчунин зикр гардид, ки соли гузашта муроҷиати 929 нафар шаҳрвандон вобаста ба масъалаҳои хушунату зӯроварӣ дар оила ба қайд гирифта шудааст, ки нисбат ба соли гузашта зиёд мебошад.
Ҳилолбӣ Қурбонзода ин масъаларо шарҳ дода, гуфт, ки хушунату зӯроварӣ дар оилаҳо асосан барои тақсими хона байни зану шавҳар ё аз сабаби рашк кардани якдигар ба миён меояд.
Ҳамчунин зимни нишасти матбуотӣ оид ба ҳифзи анъанаҳои миллӣ ва тарзи пӯшидани либоси бегона зикр гардид, ки дар якчанд мамлакатҳо, аз ҷумла Франсия, Белгия, Нидерландия ва Қазоқистон барои пӯшидани либоси ғайр дар қонунгузориашон ҷарима пешниҳод шудааст.
Дар моддаҳои 14 ва 15-и Қонун «Дар бораи танзими анъана ва ҷашну маросим дар Ҷумҳурии Тоҷикистон» омадааст, ки шахсони воқеӣ ва ҳуқуқӣ, новобаста аз шакли моликияташон агар ба фарҳанги миллӣ, аз ҷумла забону либос эҳтиром ва арҷ намегузоранд, ба ҷавобгарии маъмурӣ кашида мешаванд.
Аз ин лиҳоз Кумитаи кор бо занон ва оилаи назди Ҳукумати Ҷумҳурии Тоҷикистон дар байни аҳолӣ ва занону бонувон корҳои фаҳмондадиҳӣ ба роҳ мондааст, ки мақсад аз онҳо танҳо тарғиби либоси миллӣ мебошад.
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
