Коршинос аз Германия ба ислоҳот ва имтиёзҳо дар соҳаи сайёҳӣ дар Тоҷикистон баҳои баланд дод
ДУШАНБЕ, 13.02.2020. /АМИТ «Ховар»/. Коршиноси соҳаи сайёҳӣ аз Ҷумҳурии Федеративии Германия Курт Ҳайнт Рейтс дирӯз зимни мулоқот бо Раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода ба ислоҳот ва имтиёзҳо дар соҳаи сайёҳӣ дар Тоҷикистон баҳои баланд дода, дар татбиқи Стратегияи рушди сайёҳӣ дар Ҷумҳурии Тоҷикистон изҳори ҳамкорӣ намуд. Дар ин бора ба АМИТ «Ховар» аз Кумитаи рушди сайёҳӣ хабар доданд.
Бино ба иттилои манбаъ, зимни мулоқот Ширин Амонзода меҳмонро бо сиёсати давлатӣ дар соҳаи сайёҳӣ дар Ҷумҳурии Тоҷикистон шинос намуда, аз дастгириҳои бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди сайёҳӣ ҳамчун самти ояндадори иқтисоди миллӣ маълумот дод. Зикр намуд, ки Стратегияи рушди сайёҳӣ дар Ҷумҳурии Тоҷикистон барои давраи то соли 2030 қабул гардида, нақшаҳои амали он фарогири масоили рушди сайёҳӣ мебошанд.
Курт Ҳайнт Рейтс таҷрибаи бисёрҷанбаи соҳавии рушди муваффақонаи сайёҳӣ дар кишварҳои Мексика (эко-туризм), Булғористон (омодасозии мутахассисон), Ӯзбекистон (коркарди маҳсулоти сайёҳӣ), Лаос (беҳтаргардонии сайёҳӣ ва маркетинг), Қирғизистон ва Гурҷистон дорад.
Айни замон коршиноси немис бо даъвати ширкати сайёҳии ватанӣ “Go Travel Tajikistan” дар Ҷумҳурии Тоҷикистон қарор дорад. Интизор меравад, ки дар доираи сафари кории коршиноси немис бо иштироки донишҷӯёни бахшҳои сайёҳии мактабҳои олии мамлакат, туроператорон ва доираҳои соҳибкорӣ силсиламулоқот анҷом дода шаванд.
Ҳайати Бонки миллии Тоҷикистон бо фаъолияти филиали Бонки федералии Олмон – Бундесбонк шинос гардид
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
Дар таъмиру таҷдиди роҳи Душанбе-Чанок дар маҷмуъ тақрибан 347 ҳазор тонна асфалт истифода шудааст
Нақшаи амали татбиқи Ёддошти тафоҳум байни вазоратҳои молияи Тоҷикистон ва Қирғизистон оид ба ҳамкорӣ ба мувофиқа расид
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
