Мавлуда Қаландарзода: «Таваҷҷуҳи судяҳои судҳои иқтисодӣ ба риояи дақиқи меъёрҳои қонунҳо ва таъмини баррасии саривақтии парвандаҳо ҷалб гардидааст»
ДУШАНБЕ, 05.02.2020/АМИТ «Ховар»/. Судҳои иқтисодии мамлакат соли гузашта беш аз чор ҳазор парвандаро баррасӣ намудаанд, ки ин омор нисбат ба соли 2018-ум 914 адад зиёд аст.
Раиси Суди Олии иқтисодии Ҷумҳурии Тоҷикистон Мавлуда Қаландарзода, ки имрӯз дар ҷамъи намояндагони воситаҳои ахбори омма фаъолияти дар як соли охир анҷомдодаи Суди Олии иқтисодии Ҷумҳурии Тоҷикистонро натиҷагирӣ намуд, изҳор дошт, ки дар ҷомеаи демокративу ҳуқуқбунёд, ки таъмини волоияти қонун рисолати конститутсионии суд мебошад, судҳои иқтисодии мамлакат барои иҷрои муқаррароти Конститутсия, Қонуни Ҷумҳурии Тоҷикистон «Дар бораи судҳои Ҷумҳурии Тоҷикистон» ва дигар санадҳои қонунгузорӣ корҳои назаррас ба анҷом расонидаанд.
Мавлуда Қаландарзода афзуд, ки натиҷаи омӯзиш ва таҳлили фаъолияти кормандони судҳои иқтисодии мамлакат дар самти татбиқи адолати судӣ дар ҷомеа бозгӯи он аст, ки соли гузашта ба судҳои иқтисодии ҷумҳурӣ беш аз 3 ҳазору 500 аризаи даъвогӣ ва шикояту дархостҳо ворид гардида, 2679 парванда моҳиятан бо баровардани санадҳои судӣ баррасӣ гардидаанд. Истеҳсолот оид ба 130 парванда қатъ гардида, 178 ариза бе баррасӣ мононда, се парванда аз рӯи тобеият ирсол гардидаанд. Инчунин қабули 16 ариза рад ва 689 арзу дархост бинобар ба талаботи қонунгузории мурофиавӣ мутобиқ набуданашон баргардонида шудаанд.
Бо дахли баланд бардоштани касбияти судяҳои судҳои иқтисодӣ Мавлуда Қаландарзода зикр кард, ки бо мақсади баланд бардоштани сатҳи касбият, донишҳои ҳуқуқӣ, одобу муоширати касбии судяҳо ва кормандони дастгоҳҳои судҳо машғулиятҳо гузаронида шуда, камбудиҳо ва мушкилоти ҷойдошта, сабабҳои бекоршавӣ ва тағйирёбии санадҳои судӣ муҳокима гардида, таваҷҷуҳи судяҳо ба риояи дақиқи меъёрҳои қонунҳои моддӣ ва мурофиавӣ, ҷилавгирии хавфҳои коррупсионӣ ва таъмини баррасии саривақтии парвандаҳо ҷалб гардидааст. Дар ин росто, дар Маркази таълимии судяҳо 9 нафар судяи Суди иқтисодии Вилояти Мухтори Кӯҳистони Бадахшон, вилоятҳои Суғду Хатлон ва шаҳри Душанбе ва 15 нафар кормандони дастгоҳи Суди Олии иқтисодӣ ва Суди иқтисодии шаҳри Душанбе ба такмили ихтисос фаро гирифта шуда, соҳиби шаҳодатнома гардиданд.
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
