«ШАҲПИСАРИ ХАЙЁМ». Нашриёти «Адиб» 100 нусхаи охири ин китобро ба фурӯш мегузорад
ДУШАНБЕ, 19.02.2029. /АМИТ «Ховар»/. 22 феврал дар толори Театри давлатии опера ва балети ба номи С. Айнӣ ҳафтаи ҳаштуми намоиш-фурӯши китобҳои Нашриёти «Адиб» дар соли равон баргузор мегардад. Дар намоиш-фурӯши китоб 100 нусхаи охири китоби «Шаҳписари Хайём»-и Камол Насрулло ба фурӯш гузошта мешавад. Агар мехоҳед аз асрори зиндагӣ ва марги устод Лоиқ, шигифтиҳои ашъор, дастовардҳои беназири ӯ дар шеъри муосир огоҳӣ дошта бошед, бо муаллифи ин асрор аз назди шинос шаведу соядаст гиред, ба ин намоиш-фурӯш марҳамат намоед.
Тавре дар суҳбат ба мо муаллифи китоб ва шогирди устод Лоиқ Шералӣ, Шоири халқии Тоҷикистон Камол Насрулло иброз намуд, асари мазкур аз ду қисмат иборат мебошад.
«Дар қисми аввали китоб ёддоштҳо роҷеъ ба ҳаёт ва фаъолият, сафарҳо, муносибати дӯстона бо устодони гузашта ва лаҳзаҳои ҷолиби ҳаёти устод, ки худам шахсан шоҳидашон мебошам, дарҷ ёфтаанд. Қисмати дуввуми китоб «Пажӯҳиши осори устод Лоиқ Шералӣ» мебошад»,- иброз дошт шоир.
Камол Насрулло гуфт, ки китоб ба он хотир «Шаҳписари Хайём» унвон гирифтааст, ки дар он мақолае бо ҳамин ном ҷой дода шудааст. Дар мақолаи мазкур роҷеъ ба дубайтию рубоиҳои устод ва монандии онҳо бо рубоиҳои устодони гузашта, аз ҷумла Умари Хайём изҳори назар карда шудааст.
Хонандагоне, ки ин китобро харидорӣ менамоянд, ба хубӣ пай мебаранд, ки Лоиқ Шералӣ ба он андоза бузург аст, ки ҳар як мисраи эҷоднамудааш мондагор ва дилчасп аст.
Ёдовар мешавем, ки намоишгоҳ 22 феврал, соати 08:00 оғоз меёбад.
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
