«ЧЕҲРАИ МИЛЛАТ». Ба ифтихори Рӯзи Президенти Тоҷикистон барномаи фарҳангӣ-адабӣ доир шуд
ДУШАНБЕ, 14.11.2025 /АМИТ «Ховар»/. 13 ноябр дар Филармонияи давлатии ба номи Акашариф Ҷӯраев ба ифтихори Рӯзи Президенти Ҷумҳурии Тоҷикистон барномаи фарҳангӣ-адабӣ ва маросими рӯнамоии китоби «Чеҳраи миллат» баргузор гардид. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдулло Раҳмонзода иброз намуд, ки ҳар ҷавони тоҷик бояд аз таърих, тамаддун ва қаҳрамонони миллати хеш огоҳ бошад. Ба қадри ободию осоиштагие, ки Президенти Ҷумҳурии Тоҷикистон муҳтарам Эмомалӣ Раҳмон барои миллат фароҳам овардаанд, бирасад.
Иттилоъ дода шуд, ки барномаи фарҳангӣ-адабӣ бо ибтикори Вазорати фарҳанги Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардид.
Маҷмуаи «Чеҳраи миллат» аз чор ҷилд иборат буда, дар он осори чор шоири халқии Тоҷикистон — Низом Қосим, Муҳаммад Ғоиб, Камол Насрулло ва Давлат Сафар гирдоварӣ гардидааст.
Китоби «Чеҳраи миллат» таҷассумгари руҳи созанда, меҳанпарастӣ ва худогоҳии миллии халқи тоҷик буда, ба оммаи васеи хонандагон тавсия дода мешавад.
АКС: Вазорати фарҳанги Ҷумҳурии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
