Шаҳрванди аз Чин таҳвилдодаи Тоҷикистон дар осоишгоҳи Тюмени Россия таҳти назорати тиббӣ қарор дорад

Февраль 7, 2020 15:20

ДУШАНБЕ, 07.02.2020 /АМИТ «Ховар»/. Ҳайати кормандони осоишгоҳи «Градостроител»-и Тюмени Федератсияи Россия, ки дар он ҷо шаҳрвандони аз Чин таҳвилдода ба карантин фаро гирифта шудаанд, таҳти назорати ҳамарӯзаи тиббӣ қарор доранд. Тавре АМИТ «Ховар» бо истинод ба ТАСС хабар медиҳад, дар ин бора рӯзи панҷшанбе сардори шуъбаи минтақавии «Роспотребнадзор» Галина Шарухо ба хабарнигорон иттилоъ дод.

5 феврал 144 нафар, аз ҷумла 4 нафар кӯдак тавассути ду ҳавопаймои низомӣ аз Чин ба Тюмен  таҳвил дода шуданд. Ҳамаи онҳо давоми 14 рӯз дар маркази табобатию барқарорсозӣ дар масофаи 28 км дуртар аз Тюмен ҷойгир карда мешаванд. Ин тадбири меъёрии амниятӣ барои чунин ҳолатҳост, хабар медиҳад АМИТ «Ховар» бо истинод ба ТАСС.

«Мо тадбирҳои амниятиро, хусусан барои ҳифзи кормандони тиб ҷорӣ намудем. Ҳеҷ кадоме аз кормандон бидуни либоси махсус бо онҳо иртибот намекунад. Ҳамаи кормандон таҳти назорати рӯзонаи тиббӣ қарор доранд. Ҳама чиз дар ҳуҷҷатҳо сабт мешавад. Мо итминон дорем, ки кормандонамонро ҳимоя карда метавонем ва барои ин ҳама тадбирҳоро андешидем», — гуфт Шарухо.

Ба гуфтаи ӯ, осоишгоҳ ҳамчун як маркази барқарорсозӣ интихоб гардидааст, зеро он дар аввал ҳамчун маркази мубориза бар зидди бемории сил сохта шуда буд.

«Дар марказ тамоми шароити зарурӣ фароҳам оварда шудааст, зеро он ҳамчун осоишгоҳи мубориза бар зидди сил бунёд гардида буд», — гуфт Шарухо.

Дар навбати худ, сардори Раёсати минтақавии тандурустӣ Инна Куликова ба хабарнигорон иттилоъ дод, ки дар баробари русҳо ҳамчунин шаҳрвандони Беларус, Арманистон, Қазоқистон ва Тоҷикистон низ дар карантин қарор доранд.

«Сокинони минтақаҳои гуногун дар карантин ҳастанд. 16 шаҳрванди давлатҳои хориҷӣ дар карантин мебошанд. Онҳо шаҳрвандони Беларус, Арманистон, Қазоқистон ва Тоҷикистонанд. Кӯдакони дар карантинбуда шаҳрвандони Россия мебошанд. Чор нафар кӯдак дар карантин буда, ҳама саломатанд», — гуфт Куликова.

Галина Шарухо инчунин тазаккур дод, ки бағоҷи шахсони аз Чин таҳвилдода ҳоло ба онҳо баргардонида нашудааст.

«Дар саҳро бағоҷҳо аз берун безарар гардонида шуданд. <…> Баъдан онҳо бо нақлиёти алоҳида ба осоишгоҳ оварда шуда, ҳоло дар утоқи алоҳида қарор доранд. Он чизе, ки дар дохили бағоҷҳост, метавонад ба соҳибонашон хатарнок бошад. Мо ба «Роспотребнадзор» дархост фиристодем, ки безараргардонии борҳо чӣ гуна сурат мегирад», — гуфт ӯ.

Тавре қаблан АМИТ «Ховар» бо истинод ба ТАСС хабар дода буд, 80 нафар тавассути аввалин ҳавопаймои неруҳои ҳарбӣ-кайҳонии Россия аз шаҳри Вуҳани Чин ба вилояти Тюмен таҳвил дода шудаанд, ки ду нафарашон хориҷӣ — шаҳрвандони Тоҷикистон ва Арманистон мебошанд.

ДАР АКС: кормандони маркази табобатию барқарорсозии «Градостроител». Акс аз ТАСС

 

Февраль 7, 2020 15:20

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»