Шумораи нафарони аз коронавирус фавтида дар Чин ба 1113 нафар расид

Февраль 12, 2020 12:15

ДУШАНБЕ, 12.02.2020 /АМИТ «Ховар»/. Тибқи изҳороти Кумитаи давлатии тандурустии Ҷумҳурии Мардумии Чин, шумораи ҳодисаҳои тасдиқшудаи сирояти коронавирус дар Чин 44,6 ҳазор нафарро ташкил додааст, ки аз он 1113 нафар фавтида, 4740 нафарашон шифо ёфтанд. Дар ин бора АМИТ «Ховар» бо истинод ба «РИА Новости» хабар медиҳад.

Як рӯз қабл беш аз 42,6 ҳазор ҳолат расман сабт шуда буд, ки аз онҳо 1016 нафар ҳалок ва 3996 нафарашон шифо ёфта, аз беморхонаҳо рухсат дода шуданд.

«Нимаи 11 феврал Кумитаи давлатии тундурустӣ аз 31 вилоят (ноҳия, шаҳри  тобеи марказ) маълумотро оид ба  44.653 нафари сироятшуда ба илтиҳоби шуш гирифт. Аз ҷумла айни ҳол 38 800 нафари он беморанд (8204 нафар дар ҳолати вазнин қарор доранд), 4740 нафар аз беморхона ҷавоб дода шудаанд ва 1113 нафар фавтидаанд»-гуфта мешавад дар хабари Кумитаи давлатӣ.

Дар Гонконг ба таври ҷудогона 49 ҳолати сироятёбӣ ба қайд гирифта  шудааст (1 нафарашон фавтид), 10 нафар дар Макао (1 нафарашон аллакай аз беморхона бароварда шудааст), 18 нафар дар Тайван сироят ёфтаанд (1 нафари онҳо шифо ёфт).Айни замон беш аз 185 ҳазор нафар, ки бо беморон робитаи наздик доштанд, таҳти назорат қарор доранд.

Давоми як рӯзи охир 2015 ҳолати нави сироятёбӣ ошкор карда шуда, 744 нафар аз беморхонаҳо рухсат дода шуданд, 97 нафар фавтиданд, дар ҳоле ки шумораи беморони вазнин дар як рӯз 871 нафар зиёд шуд.

Зиёда аз 83 фоизи  сироятёбӣ ба коронавирус дар оилаҳо рух медиҳад. Дар ин бора АМИТ «Ховар» дар такя ба хабаргузории Кумитаи давлатии тандурустии ҶМЧ хабар медиҳад.

«Беш аз 83 фоизи гирифторӣ ба коронавирус дар оилаҳо рух медиҳад, боқимондаҳо — дар муассисаҳои тиббӣ, хадамоти озуқаворӣ, деҳаҳо, супермаркетҳо, марказҳои савдо, корхонаҳо, мошинҳо, хонаҳои пиронсолон ва мактабҳо ба амал меоянд»,- гуфта шуд дар хабари кумита.

31 декабри соли 2019 мақомоти Чин ба Созмони Умумиҷаҳонии Тандурустӣ (СУТ) дар бораи хуруҷи бемории номаълуми илтиҳоби шуш дар шаҳри Ухан- дар қисми марказии мамлакат (музофоти Ҳубей) хабар доданд.

Коршиносон ангезандаи бемориро муайян карданд  ва гуфтанд, ки ин навъи бемории 2019-nCoV коронавирус аст.Созмони Умумиҷаҳонии Тандурустӣ шакли нави коронавируси Чинро  COVID-2019 номид.

Февраль 12, 2020 12:15

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»