Соли равон дар ноҳияҳои наздисарҳадии Тоҷикистон 5 минтақаи хизматии милитсия бунёд мешаванд

Февраль 17, 2020 10:44

ДУШАНБЕ, 16.02.2020. /АМИТ «Ховар»/. Соли равон 5 минтақаи хизматии милитсия дар ноҳияҳои наздисарҳадии  ҷумҳурӣ  бунёд гардида,  бо техникаву таҷҳизоти зарурӣ таъмин карда мешаванд. Ҳамчунин низоми ягонаи давлатии бақайдгирӣ, баҳисобгирии электронии ҳуқуқвайронкунӣ ва ҷиноятҳо ҷорӣ гардида, вобаста ба ҷалби бештари занон ба мақомоти корҳои дохилӣ корҳои  иттилоотӣ бурда мешаванд.

Иқдоми мазкур чанд  намунаест  аз  нақшаи  фаъолияти якҷояи Вазорати корҳои дохилии Ҷумҳурии Тоҷикистон ва  ташкилоти байналмилалии «Сейферворлд» (Дунёи бехатар) дар соли 2020.

Ёдовар мешавем, ки 13-14  феврал  бо ташаббуси Вазорати корҳои дохилӣ ва кумаки молиявии ташкилоти байналмилалии «Сейферворлд» (Дунёи бехатар) вохӯрии шарикони иҷтимоӣ ҷиҳати банақшагирии фаъолият дар соли 2020 баргузор гардид.

Дар ҷамъомади  мазкур Ҳамоҳангсози миллӣ оид ба ислоҳоти милитсияи ВКД Валихон Ҳамдамзода,  роҳбарият ва кормандони ташкилоти байналмилалии «Сейферворлд», ташкилотҳои ҷамъиятӣ дар вилоятҳои  Суғд, Хатлон, ВМКБ, минтақа ва ноҳияи Рашт, инчунин  шаҳри Душанбе ширкат варзиданд.

Дар вохӯрӣ В. Ҳамдамзода дар бораи фаъолияти ВКД дар соли 2019 дар самти ислоҳоти милитсия ба ҷомеаи шаҳрвандӣ иттилоъ дода, зимнан вобаста ба фаъолияти ташкилоти байналмилалии «Сейферворлд» ибрози андеша намуд.

Дар нақшаи мазкур  ҳамчунин таҳия, нашр ва омӯзиши санадҳои меъёрии ҳуқуқӣ дар самти ҳамкории милитсия бо ҷомеа,  тақвият бахшидани фаъолияти Шӯрои занони ВКД,
баргузории конференсияҳои минтақавӣ бо иштироки намояндагони кишварҳои Осиёи Марказӣ ва дигар ҳамоишҳо дар самти такмили фаъолияти шӯроҳои ҷамъиятии назди мақомоти корҳои дохилӣ низ дарҷ гардидааст.

Февраль 17, 2020 10:44

Хабарҳои дигари ин бахш

АЙНИ ҲОЛ ВАЗЪИЯТ ДАР РӮШОН ОРОМ АСТ. Маркази матбуоти ВКД ҶТ хабар медиҳад
АСОСИ ВОҚЕӢ НАДОРАД. Вазорати мудофиаи Тоҷикистон хабари суқути чархболи низомиро дар ноҳияи Рӯшон рад намуд
Муовини Вазири корҳои дохилии Русия аз мураккаб шудани вазъ дар шимоли Афғонистон хабар дод
ДАР БОРАИ ОҒОЗИ АМАЛИЁТИ ЗИДДИТЕРРОРИСТӢ. Маркази матбуоти Вазорати корҳои дохилии Ҷумҳурии Тоҷикистон хабар медиҳад
Мақомоти салоҳиятдори Тоҷикистон ва Барномаи шуъбаи мубориза бар зидди маводи нашъаовар ва ҳифзи тартиботи ҳуқуқӣ дар Вашингтон ҳамкориро баррасӣ карданд
Дар Душанбе масоили коҳиши хатари офатҳои табиӣ баррасӣ гардид
ҚАСАМ БА НОМАТ, ЭЙ ВАТАН! Дар қисмҳои низомӣ 300 нафар наваскарон Савганди ҳарбӣ ёд карданд
Дар шаҳри Хоруғ анбори маҳсулоти ғайриозуқаворӣ ифтитоҳ шуд
Вазорати корҳои дохилии Ҷумҳурии Тоҷикистон хабар медиҳад
Дар Москва ҷаласаи сарони кишварҳои узви СААД бахшида ба 30-умин солгарди таъсиси Созмон доир мегардад
ТАСС: Низомиёни ФР 127 шаҳрванди Русия, Украина, Тоҷикистон ва дигар кишварҳоро аз вилояти Херсон ба ҷои амн кӯчониданд
Тақвияти ҳамкории Раёсати Вазорати корҳои дохилӣ дар шаҳри Душанбе бо мақомоти Амрико баррасӣ гардид