Сулҳу субот, оромии модарон ва табассуми тифлонро сарбозони Ватан ҳифз мекунанд

Февраль 21, 2020 16:10

НОРАК, 21.02.2020. /АМИТ «Ховар»/. Хизмат дар сафи Қувваҳои Мусаллаҳи Ҷумҳурии Тоҷикистон барои ҳар ҷавони баору номуси Ватан ифтихори бузург аст. Сулҳу суботи мамлакат, оромӣ ва хотири ҷамъи модарон, табассуми тифлонро ҷавонони содиқу вафодор ва ватандӯсту  ватанпарвар ҳифз мекунанд. Ин нуктаро раиси шаҳри Норак Маликшо Неъматзода зимни мулоқот бо ҷавонони синни даъватӣ иброз намуд. Дар ин бора аз шуъбаи рушди иҷтимоӣ ва робита бо ҷомеаи шаҳри Норак ба хабарнигори АМИТ «Ховар» иттилоъ доданд.

Мулоқоти мазкур  ба 27-умин солгарди Рӯзи Қувваҳои Мусаллаҳи Ҷумҳурии Тоҷикистон  бахшида шуда, дар он як гурӯҳ  ҷавонон ихтиёран ба хизмат рафтани худро иброз доштанд.

Маликшо Неъматзода иброз намуд, ки ҳар фарди  ватандӯсту  худогоҳ бояд дар  пешрафт  ва  шукуфоии  Ватани хеш  саҳм гузорад.

Ҳамчунин аз  ҳозирин  даъват  ба  амал  оварда шуд, ки  корҳои фаҳмондадиҳиро зиёд намоянд, то  сафи  ихтиёриён боз ҳам зиёд гардад ва бо ин амал чун фарзандони баору номус садоқати худро ба ҳифзи Ватан-Модар нишон диҳанд.

Мақомоти  иҷроияи  ҳокимияти давлатии шаҳри Норак  бахшида  ба 27-умин  солгарди  Қуввавҳои Мусаллаҳи  Ҷумҳурии  Тоҷикистон нақшаи чорабиниҳо таҳия намудааст.

Аз ҷумла, гурӯҳҳои корӣ дар ҷамоатҳои деҳот ва маркази шаҳр  оид ба аҳамияти хизмат дар сафи Артиши миллии Ҷумҳурии Тоҷикистон, ки рисолати бузурги хешро ҷиҳати ҳифзи марзу буми сарзамини аҷдодӣ, таъмини осоишу оромии қаламрави мамлакат ва ҳимояи манфиатҳои Ватан содиқона анҷом додааст, бо аҳолӣ вохӯриҳои судманд баргузор менамоянд.

Февраль 21, 2020 16:10

Хабарҳои дигари ин бахш

«ҲИМОЯИ АРЗИШҲОИ МИЛЛӢ ДАР РАВАНДИ ҶАҲОНИШАВӢ». Таҳти ин унвон дар ноҳияи Муъминобод ҳамоиши илмиву маърифатӣ баргузор шуд
25 нафар занону духтарони ВМКБ ба курси «Зан – сарвар» ҷалб гардиданд
ИМРӮЗ — РӮЗИ УМУМИҶАҲОНИИ САЛИБИ СУРХ ВА ҲИЛОЛИ АҲМАР. Ҷамъияти Ҳилоли Аҳмари Тоҷикистон беш аз 12 ҳазор волонтёрро муттаҳид месозад
МАСЛИҲАТИ МУТАХАССИС. Инсон бояд дар як шабонарӯз аз 25 то 50 грамм фалла (творог) истеъмол намояд
«МО БА ШУМО ЭҲТИРОМ ДОРЕМ!». Дар ноҳияи Рӯдакӣ ба иштирокчии Ҷанги дуюми ҷаҳонӣ туҳфаҳои Пешвои миллат расонида шуданд
Дар ноҳияи Ҳамадонӣ доир ба ҳимояи арзишҳои миллӣ дар раванди ҷаҳонишавӣ мулоқот доир гардид
Дар ноҳияи Сангвор ба иштирокчии Ҷанги дуюми ҷаҳонӣ Достӣ Умедов туҳфаҳои Сарвари давлат супорида шуданд
Дар шаҳри Норак ба гиромидошти хотираи неки собиқадорони Ҷанги дуюми ҷаҳонӣ ҳамоиши тантанавӣ доир шуд
Ҷараёни татбиқи «Барномаи миллии ҳимояи аҳолӣ аз бемории сил дар Ҷумҳурии Тоҷикистон барои солҳои 2021-2025» баррасӣ гардид
Оқибатҳои офати табиӣ дар шоҳроҳи байналмилалии «Душанбе–Турсунзода» бартараф мегарданд
Борону селҳои шабонарӯзи гузашта сабаби харобиҳо дар минтақаҳои Тоҷикистон шуданд
Дар ноҳияи Ашт иштирокчиёни Ҷанги дуюми ҷаҳониро аёдат намуданд