Вазири молия: «Талош дорем, то вазъи молиявию иқтисодии мамлакат аз таъсири эҳтимолии COVID-2019 халал наёбад»

Февраль 13, 2020 12:30

ДУШАНБЕ, 13.02.2020 /АМИТ «Ховар/. Мо сайъ менамоем, ки таъсири эҳтимолиро ба вазъи молиявию иқтисодии ҷумҳурӣ дар робита ба  хуруҷи коронавирус дар давлати ҳамсоя- Ҷумҳурии Мардумии Чин  ба таври максималӣ бартараф намоем. Ин матлабро зимни нишасти матбуотӣ дар Душанбе Вазири молияи Ҷумҳурии Тоҷикистон Файзиддин Қаҳҳорзода иброз дошт.

Зикр гардид, ки Ҷумҳурии Мардумии Чин на танҳо ҳамсояи наздики Тоҷикистон,  балки яке аз  сармоягузорони асосӣ ба иқтисодиёти мамлакат маҳсуб шуда, соли гузашта ба  Тоҷикистон 262,3 миллион доллари амрикоӣ сармоягузорӣ намудааст. Гуфта шуд, ки он лоиҳаҳое, ки аз ҷониби Чин дар Тоҷикистон  татбиқ мегарданд, новобаста ба хуруҷи  эпидемияи илтиҳоби шуш ё коронавирус идома дошта, халал нахоҳанд ёфт.

Ёдовар мешавем, ки  чанд рӯз қабл  Созмони Умумиҷаҳонии Тандурустӣ  коронавирусро, ки дар музофоти Хубэйи Чин хуруҷ намудааст,  COVID-2019 номид. Дар иртибот ба хуруҷи ин эпидемия  11 феврал дар Женева ҳамоиши байналмилалӣ бо иштироки садҳо нафар мутахассисони ҳирфаӣ ва намояндагони вазорату марказҳои пешрафтаи тиббии ҷаҳон доир гардид. Дар маросими ифтитоҳи ин ҳамоиши байналмилалӣ Дабири кулли Созмони Ҷаҳонии Тандурустӣ Тедрос Адхан Гебрейесус сухан карда, гуфт, ки «мо то ҳол дар бораи коронавирус маълумоти зиёд надорем … Мо мехоҳем дониш ва таҷрибаи шуморо барои ёфтани посух ба саволҳои худ ва муайян кардани мушкилоте, ки то ҳол мо роҳҳои ҳалли онро намедонем, истифода барем».

Яке аз вазифаҳои дар назди иштирокчиёни форум гузошташуда таҳияи «харитаи роҳ» барои таҳқиқоти минбаъда мебошад, ки барои ҷалби диққати олимон ва донорҳо пешбинӣ шудааст. Пеш аз ҳама, бояд табодули маводи лабораторӣ ба роҳ монда шавад, гуфт Дабири кулли Созмони Ҷаҳонии Тандурустӣ. Ба гуфтаи вай, таҳияи ваксина метавонад 18 моҳро дар бар гирад, аз ин рӯ ҳоло ҷомеаи ҷаҳонӣ бояд имконияту воситаҳои мавҷударо  барои ҳифзи аҳолӣ аз  COVID-2019 истифода барад.

Февраль 13, 2020 12:30

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст