Агентии назорати давлатии молиявӣ ва мубориза бо коррупсия зарари махсусан калони молиявӣ ошкор намуд
ДУШАНБЕ, 31.03.2020. /АМИТ «Ховар»/. Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз ошкор намудани зарари махсусан калони молиявӣ хабар медиҳад.
Гуфта мешавад, ки раиси Ассотсиятсияи истифодабарандагони оби «Ҳайдар 2017» дар ноҳияи Спитамени вилояти Суғд, шаҳрванд Ю.С. солҳои 2018-2019 аз Идораи давлатии беҳдошти замин ва обёрии ноҳияи мазкур тибқи шартнома ва санадҳои дахлдор 48456 ҳазор м3 оби полезиро ба арзиши 1 миллиону 144 ҳазору 544 сомонӣ қабул намудааст.
Мавсуф бо мақсади тасарруфи молу мулки давлатӣ бо шахсони масъули ҶДММ «Спитамен Текстайл»-и ноҳияи Спитамен маслиҳати пешакӣ намуда, дар ҳисоботи муҳосибӣ маблағи хизматрасонии аз ҳисоби оби полезӣ ҷамъовардашударо нишон надодааст.
«Ӯ дар ин муддат ба хазинаи Идораи давлатии беҳдошти замин ва обёрии ноҳия танҳо 269 ҳазору 904 сомонӣ пардохт ва 854 ҳазору 640 сомонии боқимондаро бо роҳи азонихудкунӣ тасарруф намуда, ба давлат зарари махсусан калони молиявӣ расонидааст»,- омадааст дар иттилоияи манбаъ.
Оид ба ин ҳолат нисбат ба номбурда ва шахсони ба ин ҳодиса шарик бо моддаи 245 қисми 4 банди «б»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.
Имангалӣ Тасмагамбетов: «Соли 2025 татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон оғоз мешавад»
НИШАСТИ МАТБУОТӢ. Соли 2024 216 тоннаю 787 килограмм маводи пастсифат мусодира ва нобуд гардид
НИШАСТИ МАТБУОТӢ. Ҳодисаҳои нохуш аз бемасъулиятии кормандон ва норасоии мутахассисони соҳавӣ ба амал меоянд
«НОЗИРИ МИНТАҚАВӢ-СИМОИ МИЛИТСИЯ». Барои нозирони минтақавии вилояти Хатлон даври омӯзишӣ гузаронида шуд
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
