Брифинг дар Душанбе: «Андешидани тадбирҳо оид ба пешгирии сирояти коронавирус ягона роҳи дуруст баҳри таъмини саломатии мардум аст»
ДУШАНБЕ, 05.03.2020 /АМИТ «Ховар»/. «То имрӯз дар ҷумҳурӣ ягон ҳодисаи сирояти коронавирус ба қайд гирифта нашудааст ва вазъият таҳти назорати доимӣ қарор дорад. Мардум, ба иғвогариҳо дода нашавед! Омода намудани ҷомеаи Тоҷикистон, андешидани тадбирҳо оид ба пешгирии сирояти коронавирус ягона роҳи дуруст баҳри таъмини саломатии мардум аст».
Ин матлабро муовини Вазири тандурустӣ ва ҳифзи иҷтимоии аҳолии ҷумҳурӣ Мирҳамуддин Камолзода зимни баргузории брифинг иброз дошт. Брифинги мазкур вобаста ба овозаҳои беасоси рӯзҳои охир дар бораи коронавирус паҳн гаштаву аҳолии мамлакатро ба таҳлука овардаанд, имрӯз дар шаҳри Душанбе бо иштироки намояндагони воситаҳои ахбори омма доир гардид.
«Имрӯз аз ҷониби Ҳукумат, Вазорати тандурустӣ ва ҳифзи иҷтимоии аҳолӣ ва дигар сохторҳои давлатӣ чорабиниҳо оид ба пешгирии сирояти коронавирус ба роҳ монда шудаанд. Он иғвоҳое, ки тавассути як зумра шабакаҳои иҷтимоӣ ва шахсони алоҳида дар сайтҳои иҷтимоӣ гузошта мешаванд, ягон асос надоранд ва мардум ба ин иғвогариҳо бояд дода нашаванд. Аз ҷониби ниҳодҳои давлатӣ дар нуқтаҳои фурӯш корҳои фаҳмондадиҳӣ роҳандозӣ шуда, нархи маводи хӯрокӣ таҳти назорат қарор дода мешавад»,- гуфт Мирҳамуддин Камолзода.
Ҳамчунин муовини Вазири тандурустӣ ва ҳифзи иҷтимоии аҳолӣ Шодихони Ҷамшед иброз дошт, ки «ягона роҳи дуруст имрӯз омода намудани ҷомеаи Тоҷикистон ба пешгирии ин беморӣ мебошад. Зеро ҳеҷ кас кафолати наомадани вирусро дода наметавонад. Давлатҳое, ки то андозае берун аз ин беморӣ қарор доранд, Тоҷикистон, Ӯзбекистон, Қирғизистон ва Туркманистон мебошанд».
Номбурда ҳамчунин илова намуд, ки «Ҷумҳурии Тоҷикистон тавонмандии пурраи таъмин намудани аҳолии худро бо тамоми намуди маҳсулоти ғизоӣ давоми ду солро дорад. Танҳо дар Агентии захираҳои моддии назди Ҳукумати Ҷумҳурии Тоҷикистон захираи дусолаи ғизо барои нуҳуним миллион аҳолӣ мавҷуд аст».
Ба зикри Мирҳамуддин Камолзода, ҳоло ба Тоҷикистон аз Ҷумҳурии Мардумии Чин маводи хӯрокӣ ворид намегардад. Қисмати зиёди аҳолӣ аз маводи хӯрокии дохилӣ, яъне ватанӣ истифода мебарад. Ҳоло дар ин самт ягон ҷои нигаронӣ мавҷуд нест ва шаҳрвандон ба ҳар гуна гапҳои нодуруст бояд бовар накунанд.
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
