COVID-19 ДАР ИДМ. Шумораи гирифторони коронавирус дар Ӯзбекистон ба 104 нафар ва дар фазои Иттиҳод ба 2499 кас расид
ДУШАНБЕ, 28.03.2020 /АМИТ «Ховар»/. Дар Ӯзбекистон 16 ҳолати нави сироятёбӣ аз навъи нави коронавируси COVID-19 ошкор гардид ва шумораи умумии онҳо дар ин давлат ба 104 нафар расид. Ҳамчунин дар ин давлат як ҳолати дигари фавт ба қайд гирифта шуда, шумораи онҳо ба ду нафар расид. Дар ин бора АМИТ «Ховар» бо истинод ба маълумоти Созмони умумиҷаҳонии тандурустӣ хабар медиҳад.
Ба ҳолати 28 март шумораи гирифторони коронавирус дар давлатҳои аъзои Иттиҳоди Давлатҳои Мустақил (ИДМ) 2499 нафарро ташкил медиҳад. Аз ҷумла дар Россия 1036 ҳолат, Арманистон – 329, Украина – 310, Қазоқистон – 204, Молдова – 199, Озарбойҷон – 165, Ӯзбекистон – 104, Беларус – 94 ва Қирғизистон – 58 ҳолати сироятёбӣ ошкор гардид.
Дар баъзе аз ин давлатҳо шумораи бемороне, ки шифо ёфтаанд, низ рӯз аз рӯз меафзояд. Масалан, то имрӯз дар Россия 45 нафар, Беларус — 32, Арманистон – 28, Озарбойҷон – 15, Қазоқистон – 13, Ӯзбекистон – 5, Украина – 5 ва Молдова – 2 нафар шифо ёфта, ба манзили зист баргаштанд.
Илова бар ин, дар Россия 4 ҳолати фавт бар асари коронавирус, Украина – 5, Озарбойҷон – 3, Молдова – 2, Ӯзбекистон — 2, Арманистон – 1 ва Қазоқистон — 1 ҳолат ба қайд гирифта шуд.
Миёни давлатҳои Осиёи Марказӣ ва ИДМ танҳо дар Тоҷикистон ва Туркманистон то имрӯз ягон ҳолати сирояти коронавирус ба қайд гирифта нашудааст.
Дар Афғонистони ҳамсоя низ шумораи мубталоён ба коронавирус зиёд шуда, 110 нафарро ташкил медиҳад, ки ду каси онҳо шифо ёфта, чор тани дигар вафот кардаанд.
Ҳамагӣ дар ҷаҳон беш аз 597 ҳазор нафар ба коронавирус гирифтор шудаанд, ки аз ин шумора беш аз 27 ҳазор нафар вафот карда, зиёда аз 133 ҳазор кас шифо ёфтаанд ва беш аз 23 ҳазор тан дар ҳолати вазнин қарор доранд.
Ёдовар мешавем, ки 11 март СУТ хуруҷи COVID-19-ро пандемия эълон кард.
АКС аз АИ «UzReport»
Президенти Тоҷикистон ба роҳбарони вилоятҳо ва шаҳру ноҳияҳо: «Дурӯягӣ ва бетарафию бепарвоӣ накунед, намунаи ибрат бошед, зеро мардум ба шумо мувофиқи рафтору гуфторатон баҳо медиҳанд»
15 МАЙ- РӮЗИ ҶАҲОНИИ ИҚЛИМ. Тағйирёбии иқлим аз ҷомеаи ҷаҳон ҳамкории устувор ва дурандешӣ тақозо менамояд
МАВҚЕЪГИРИИ СИЁСӢ ВА АРЗЁБИИ МУШКИЛОТИ ИМРӮЗ. Андешаҳо дар ҳошияи суханронии Президенти Тоҷикистон дар мулоқот бо фаъолону намояндагони ҷомеа ва ходимони дин
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
