COVID-19. Дар Осиёи Марказӣ ду ҳолати нахустини фавт аз коронавирус ба қайд гирифта шуд
ДУШАНБЕ, 27.03.2020 /АМИТ «Ховар»/. Ба ҳолати 27 март шумораи шахсони мубтало ба коронавирус дар давлатҳои Осиёи Марказӣ ба 251 ва дар Иттиҳоди Давлатҳои Мустақил (ИДМ) ба 2001 нафар расид. Ғайр аз он, ду ҳолати нахустини фавт аз коронавирус дар Осиёи Марказӣ, аз ҷумла як зани 64-сола дар Қазоқистон ва як зани 72-сола дар Ӯзбекистон ба қайд гирифта шуд. Дар ин бора АМИТ «Ховар» бо истинод ба маълумоти Созмони умумиҷаҳонии тандурустӣ хабар медиҳад.
Дар байни давлатҳои ИДМ шумораи зиёди ҳолатҳои сироятёбӣ бо навъи нави коронавируси COVID-19 дар Россия ба қайд гирифта шуда, ба 840 нафар расидааст. Пас аз он Арманистон қарор дорад, ки дар он ҷо 329 ҳолат ошкор гардидааст. Дар ҷои сеюм Украина буда, 196 нафар ба ин вирус мубтало шудаанд.
Дар дигар давлатҳои Иттиҳод, аз ҷумла дар Молдова 177 ҳолати сироятёбӣ, Қазоқистон — 124, Озарбойҷон — 122, Беларус — 86, Ӯзбекистон — 83 ва Қирғизистон – 44 ҳолат тасдиқ шудаанд.
Дар баъзе аз ин давлатҳо инчунин шумораи бемороне, ки шифо ёфтаанд, меафзояд. Масалан, то имрӯз дар Россия 41 нафар, Беларус — 29, Арманистон — 18, Озарбойҷон — 15, Ӯзбекистон – 5, Молдова — 2, Қазоқистон — 2 ва Украина — 1 нафар шифо ёфта, ба манзили зисташон баргаштаанд.
Илова бар ин, дар Россия 2 ҳолати фавт, Озарбойҷон – 3, Молдова – 1, Қазоқистон -1, Ӯзбекистон — 1 ва Украина – 5 ҳолат ба қайд гирифта шуд.
Миёни давлатҳои Осиёи Марказӣ ва ИДМ танҳо дар Тоҷикистон ва Туркманистон то имрӯз ягон ҳолати сирояти коронавирус ба қайд гирифта нашудааст.
Инчунин дар Афғонистони ҳамсоя шумораи мубталоён ба коронавирус ба 84 нафар расид, ки ду нафари онҳо шифо ёфта, чор тани дигар вафот кардаанд.
СУТ имрӯз дар бораи беш аз 195 давлат ва ҳудуде, ки дар онҳо сироят ба қайд гирифта шудааст, гузориш медиҳад.
Дар ҷаҳон беш аз 532 ҳазор нафар ба коронавирус гирифтор шудаанд, ки аз ин шумора беш аз 24 ҳазор нафар вафот карда, зиёда аз 124 ҳазор кас шифо ёфтаанд ва беш аз 19 ҳазор тан дар ҳолати вазнин қарор доранд.
Ёдовар мешавем, ки 11 март СУТ хуруҷи COVID-19-ро пандемия эълон кард.
АКС аз АБИ «Казинформ»
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
