Дар Донишгоҳи давлатии Хуҷанд доир ба хатар ва роҳҳои пешгирии коронавирус конфронси илмӣ баргузор гардид

Март 19, 2020 12:12

ДУШАНБЕ, 19.03.2020. /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров бо мақсади ба муҳассилин  додани иттилои бештар оид ба бемории сироятии коронавирус дар мавзӯи «Хатари коронавирус ва роҳҳои пешгирӣ аз ин беморӣ» конференсияи илмӣ доир гардид.

Тавре ба хабарнигори АМИТ Ховар дар вилояти Суғд аз шуъбаи кор бо ВАО-и донишгоҳ хабар доданд, дар кори конфронс намояндагон аз раёсати тандурустии вилоят, Маркази назорати давлатии санитарию эпидемиологии шаҳри Хуҷанд ва омӯзгорону донишҷӯён иштирок намуданд.

Мудири кафедраи тиббӣ-биологии донишгоҳ Мақсадой Обидова ва мудири шуъбаи эпидемиологии Маркази назорати давлатии санитарию эпидемиологии шаҳри Хуҷанд Таҳмина Усмонова доир ба хусусиятҳои ин бемории сироятӣ иттилои пурра дода, зикр дошт, ки номи ин вирус бо сохтори он алоқаманд буда, изофаҳои хорчамонанд дорад, ки ба тоҷ (корона) монанданд.

Инчунин доир ба нишонаҳои коронавирус, роҳҳои сироятёбӣ ва одитарини ҳифз аз он маълумоти муфассал дода шуд.

Зикр гардид, ки яке аз амалҳои аввалиндараҷаи ҳимоя- ин тез-тез шустани дастон бо собун буда, ҳангоми сулфа ва  атса задан даҳон ва бинии худро бо рӯймолча ва оринҷро қат карда пӯшонидан ва  дар ҷойҳои ҷамъиятӣ аз ниқоби яккарата истифода бояд бурд.

Гуфта шуд, ки коронавирус охири соли гузашта дар Ҷумҳурии Чин хурӯҷ намуда, то имрӯз дар ҷаҳон беш аз 219 ҳазор нафар ба он  гирифтор шудаанд, ки аз ин шумора беш аз 8,9 ҳазор нафар вафот карда, зиёда аз 85,7 ҳазор кас шифо ёфтаанд ва беш аз 6,8 ҳазор тан дар ҳолати вазнин қарор доранд.

Ёдовар мешавем, ки 11 март Созмони умумиҷаҳонии тандурустӣ хуруҷи COVID-19-ро пандемия эълон кард.

Март 19, 2020 12:12

Хабарҳои дигари ин бахш

Дар Женева ҳамкорӣ байни Тоҷикистон ва Созмони байналмилалии меҳнат баррасӣ гардид
То соли 2028 ба ҳама шаклҳои бадтарини меҳнати кӯдакон дар Тоҷикистон хотима дода мешавад
Муовини Сарвазир бо рафти корҳои сохтмонии манзилҳои зист барои оилаҳои аз заминҷунбӣ зарардидаи ноҳияи Рашт шинос шуд
Барои дар тобистон ба бемории дарунравӣ гирифтор нашудани кӯдакон чӣ бояд кард?
Даври сеюми Озмуни ҷумҳуриявии «Тараннуми Ватан» баргузор мегардад
Беш аз 190 ҳазор нафар наврасони вилояти Хатлон ба истироҳатгоҳҳо фаро гирифта мешаванд
«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст