ДАР ӮЗБЕКИСТОН ДУ ҲОЛАТИ ДИГАРИ СИРОЯТЁБӢ АЗ КОРОНАВИРУС ТАСДИҚ ГАРДИД. Шумораи беморон дар ин кишвар акнун ба 6 нафар расид
ДУШАНБЕ, 16.03.2020 /АМИТ «Ховар»/. Дар Ӯзбекистон сироятёбии ду нафари дигар аз коронавирус ошкор гардид. Ҳамин тариқ, шумораи беморони гирифтори коронавирус дар ин кишвар ба 6 нафар расид. Дар ин бора имрӯз АМИТ «Ховар» бо истинод ба хадамоти матбуоти Вазорати тандурустии Ҷумҳурии Ӯзбекистон иттилоъ медиҳад.
Рӯзи якшанбе Вазорати тандурустии Ҷумҳурии Ӯзбекистон хабар дод, ки аз як нафар зан — шаҳрванди Ӯзбекистон, ки аз Франсия баргаштааст, коронавирус ошкор гардид. Баъдан, вазорати тандурустӣ дар бораи ду ҳолати дигар — писару духтари зани сироятшуда ва инчунин марде, ки аз Истанбул ба Тошканд омадааст, хабар дод.
Тавре АМИТ «Ховар» бо истинод ба Созмони умумиҷаҳонии тандурустӣ (СУТ) хабар медиҳад, то 16 март дар ҷаҳон беш аз 170 ҳазор нафар ба коронавирус мубтало шудаанд, ки аз ин шумора беш аз 6,5 ҳазор нафар вафот карда, беш аз 77,7 ҳазор кас шифо ёфтанд ва беш аз 5,9 ҳазор тан дар ҳолати вазнин қарор доранд.
Ҳамчунин ба ҳолати то 16 март дар кишварҳои дигари ИДМ, аз ҷумла Россия — 63 ҳолат, Арманистон — 28, Беларус — 27, Озарбойҷон — 25, Молдова — 23 ва Қазоқистон — 9 ҳолати сироятёбӣ аз коронавируси нав тасдиқ шудааст.
То имрӯз, 8 нафар дар Россия ва 3 нафар дар Беларус аз беморхона ҷавоб шудаанд. Дар дигар кишварҳои ИДМ, ки дар онҳо ҳолати сироятёбӣ тасдиқ шудааст, беморон таҳти назорати табибон қарор доранд.
Бояд тазаккур дод, ки то имрӯз дар Тоҷикистон, Қирғизистон ва Туркманистон ягон ҳолати сироятёбӣ аз коронавирус ба қайд гирифта нашудааст.
Имрӯз дар Афғонистон 5 ҳолати нави сироятёбӣ тасдиқ шуд ва ҳамин тавр, шумораи беморон дар ин кишвар ба 21 нафар расид.
Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, Чин (беш аз 80,8 ҳазор), Италия (беш аз 24,7 ҳазор), Эрон (беш аз 13,9 ҳазор), Кореяи Ҷанубӣ (беш аз 8,2 ҳазор), Испания (беш аз 7,9 ҳазор), Германия (беш аз 5,8 ҳазор), Франсия (беш аз 5,4 ҳазор), ИМА (беш аз 3,7 ҳазор), Швейтсария (беш аз 2,2 ҳазор) ва Британияи Кабир (беш аз 1,3 ҳазор) дохил мешаванд.
ДАР АКС: Дар Ӯзбекистон нақлиёти ҷамъиятӣ ҳар 4 соат тамиз (дезинфексия) карда мешавад
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
