КОРОНАВИРУС ДАР ОСИЁИ МАРКАЗӢ: Дар Ӯзбекистон ҳолати аз коронавирус сироят ёфтани як шаҳрванд муайян гардид
ДУШАНБЕ, 16.03.2020/АМИТ «Ховар»/. Дар Ӯзбекистон нахустин ҳолати ба коронавирус гирифтор шудани як сокини ин давлат муайян карда шуд. Дар ин хусус хабаргузории «РИА Новости» бо истинод ба Агентии беҳдошти санитарӣ ва эпидемиологии Вазорати тандурустии Ӯзбекистон иттилоъ додааст, менависад АМИТ «Ховар».
Тибқи иттилои ин ниҳод, 15 март дар озмоишгоҳи Институти вирусологияи Ӯзбекистон вируси COVID-19 зимни ташхис дар як шаҳрванди Ӯзбекистон, ки аз Франсия баргашта буд, муайян гардид. Мақомот доираи одамонеро, ки бо шахси сироятшуда тамос гирифтаанд, муайян карда, инчунин рӯйхати 48 мусофир ва нуҳ узви сарнишини ҳавопаймои Ӯзбекистонро, ки 11 март ҳангоми парвоз аз Париж ба Тошканд бо ӯ буданд, дар даст доранд. Айни замон макони зисти онҳо бо мақсади ташкили назорати тиббӣ аз ҷониби мақомоти марбута тафтиш карда мешавад.
Агентии беҳдошти санитарӣ ва эпидемиологии Вазорати тандурустии Ӯзбекистон иттилоъ медиҳад, ки дар ин давлат тамоми тадбирҳои зарурии зиддиэпидемикӣ андешида мешаванд.
Дар байни мусофирони ҳавопаймои хатсайри Париж -Тошканд шаҳрвандони Россия набуданд, гуфт намояндаи идораи фаврии назди Девони вазирони Ӯзбекистон оид ба пешгирии воридшавии коронавирус ба Ӯзбекистон. Аз 14 март Ӯзбекистон парвози ҳавопаймоҳоро дар масири Франсия қатъ кард. Тибқи маълумоти охирин, дар ҷаҳон беш аз 156 ҳазор ҳолати сирояти коронавирус ба қайд гирифта шудааст.
Ба даҳгонаи кишварҳое, ки шумораи сироятёфтагон аз коронавирус дар онҳо зиёд аст, панҷ давлати Аврупо — Италия, Испания, Германия, Франсия ва Швейтсария дохил мегарданд.
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Иттиҳоди Аврупо «Мета»-ро ба нақзи қоидаҳои ҳифзи кӯдакон дар Инстаграм ва Фейсбук айбдор кард
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Дар Норвегия истифодаи шабакаҳои иҷтимоӣ барои кӯдакони то 16-сола манъ карда мешавад
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
