Намояндагони Ассотсиатсияи корхонаҳои Франсия — MEDEF ва French Mountain Guides Association ба Тоҷикистон меоянд
ДУШАНБЕ, 04.03.2020. /АМИТ «Ховар»/. Моҳи апрели соли равон намояндагони Ассотсиатсияи корхонаҳои Франсия — MEDEF ва Ассостсиатсияи роҳбаладони кӯҳии Франсия — French Mountain Guides Association ба Ҷумҳурии Тоҷикистон меоянд. Дар ин бора зимни мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода бо намояндаи доимии Ҷумҳурии Франсия дар Осиёи Марказӣ вобаста ба масъалаҳои иқтисодӣ Паскал Роло ва Сафири Фавқулода ва Мухтори Ҷумҳурии Франсия дар Ҷумҳурии Тоҷикистон Ясмин Гуедар иттилоъ дода шуд.
Хабарнигори АМИТ «Ховар» иттилоъ медиҳад, ки дар вохӯрӣ мақсади ташрифи намояндагони ассотсиятсҳои мазкур тақвияти ҳамкорӣ дар самтҳои мухталиф арзёбӣ гардида, сафари онҳо тибқи дастуру супоришҳое, ки сарони давлатҳои ҳарду ҷониб ҳангоми сафари расмии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Франсия дода шуда буданд, сурат мегирад.
Инчунин зимни вохӯрӣ атрофи вазъи иқтисодию иҷтимоии мамлакат, аз ҷумла ҷалби сармояи франсузӣ ва зиёд намудани шумораи ширкатҳои дигари он кишвар ҷиҳати фаъолият дар Тоҷикистон, тақвияти иқтидори содиротии ҷумҳурӣ бо таъсис додани маркази логистикӣ, ба роҳ мондани бандубаст, нигоҳдорӣ ва содироти маҳсулоти кишоварзӣ, ҳамкорӣ дар самти бахши хусусӣ ва таъсиси корхонаҳои муштарак, идомаи ҳамкорӣ дар самти авиатсияи гражданӣ, рушди соҳаи сайёҳӣ ва ҷоннок намудани ҳамкории ширкатҳои сайёҳии франсузӣ ва тоҷикистонӣ ибрози назар намуданд.
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
