Сарвазири мамлакат Қоҳир Расулзода дар тантанаи ҷашни Наврӯз дар шаҳри Бохтар иштирок намуд
ДУШАНБЕ, 22.03.2020. /АМИТ «Ховар»/. Дирӯз дар варзишгоҳи “Пахтакори”-и маркази вилояти Хатлон- шаҳри Бохтар ҷашни Наврӯзи байналмилалӣ бо иштироки Сарвазири мамлакат Қоҳир Расулзода, раиси вилояти Хатлон Қурбон Ҳакимзода ва дигар меҳмонони олиқадр бо шукӯҳу шаҳомат баргузор гардид. Дар ин бора АМИТ «Ховар» бо истинод ба шуъбаи иттилотию таҳлилии Мақомоти иҷроияи ҳокимияти давлатии вилояти Хатлон хабар медиҳад.
Пеш аз оғози барнома меҳмонон аз Боғи Раҳмон Мурчаеви шаҳри Бохтар, ки дар ин боғ чорабиниҳо оид ба Сайри гули лола ва ҷашни Наврӯз бо барномаҳои фарҳангӣ омода гардида буд, боздид намуданд. Сарвазири мамлакат Қоҳир Расулзода, раиси вилояти Хатлон Қурбон Ҳакимзода ва меҳмонон аз намоиши рангоранги идонаи наврӯзии шаҳру ноҳияҳо дидан карданд.
Сипас, дар барномаи фарҳангии бошукӯҳе, ки дар варзишгоҳи “Пахтакор”-и шаҳри Бохтар омода гардида буд, раиси вилоят Қурбон Ҳакимзода зикр намуд, ки мояи ифтихору сарфарозист, ки имрӯз ҷашни бостонии Наврӯзи оламафрӯзро дар фазои сулҳу субот, оромию осоиштагии диёр бо рӯҳияи баланди идона дар маркази маъмурии вилоят – шаҳри бостонии Бохтар таҷлил намуда, онро чун ҷашни зиндагиву рӯшноӣ, некиву накӯкорӣ, ваҳдату созандагӣ азизу гиромӣ медорем. Бо талошҳои Асосгузори сулҳу ваҳдати миллӣ – Пешвои миллат, Ҷаноби Олӣ муҳтарам Эмомалӣ Раҳмон Наврӯз ба ҳайси ҷашни эҳёи табиату зебоӣ мақоми байналмилалӣ касб кард ва имрӯз дар саросари олам бо шукӯҳу шаҳомати хосса таҷлил карда мешавад.
Зикр шуд, ки иди аҷдодиамон — Наврӯз зодаи хиради азалӣ, андешаи созанда, ҷаҳонбинӣ ва тафаккури гузаштагонамон мебошад.
Сипас Сарвазири Ҷумҳурии Тоҷикистон Қоҳир Расулзода аз номи Асосгузори сулҳу ваҳдати миллӣ – Пешвои миллат, Ҷаноби Олӣ муҳтарам Эмомалӣ Раҳмон ва аз номи худ тамоми иштирокдорони барнома ва дар симои онҳо тамоми мардуми вилояти Хатлонро бо фарорасии фасли баҳор ва Наврӯзи хуҷастапай муборакбод намуд.
Барномаҳои фарҳангии бошукӯҳи наврӯзӣ хотири иштирокдоронро болида гардониданд. Сарвазири мамлакат ба барномаҳои омоданамудаи фарҳангиёни вилоят баҳои баланд дод.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
