«ШИНОСОӢ БО ТОҶИКИСТОН — МАМЛАКАТИ АФСОНАВӢ». Таҳти ин унвон дар шаҳри Хабаровскии Россия барномаи фарҳангӣ доир шуд
ДУШАНБЕ, 21.03.2020. /АМИТ «Ховар»/. Ба ифтихори ҷашни байналмилалии Наврӯз дар Маркази барқароршавӣ ва офиятбахшии кӯдакон дар Осоишгоҳи «Амурский»-и шаҳри Хабаровски Федератсияи Россия бо ибтикори Ҷамъияти «Тоҷикони Шарқи Дур», ки роҳбарии онро бонуи фаъолу шинохтаи тоҷик Моҳтоб Ғафурова ба зимма дорад, барои кӯдакони бемор маҳфили идонаи наврӯзӣ бо номи «Шиносоӣ бо Тоҷикистон — мамлакати афсонавӣ» баргузор гардид.
Тавре хабарнигори махсуси АМИТ «Ховар» дар Федератсияи Россия Садбарги БОҚӢ иттилоъ медиҳад, дар ин осоишгоҳ фарзандони миллатҳои гунонуни шаҳри Хабаровск табобат меёбанд.
Дар маҳфили идона баъди пешниҳоди маълумоти муфассал дар бораи ҷашни байналмилалии Наврӯз, кӯдакон тариқи навори видеоӣ бо Парчаму Нишон ва дигар арзишҳои миллии Тоҷикистон, табиати зебову нотакрор, расму оин ва таъриху фарҳанги бои мардуми тоҷик шинос шуданд.
Маҳфил барои кӯдакону устодонашон хеле ҳам шавқовар буд ва онҳо ба саволҳояшон оид ба Тоҷикистон ва урфу одати мардумонаш посух гирифтанд. Масъулин барои кӯдакони ин осоишгоҳ дастурхони идона бо хӯрокҳои миллии тоҷикона ороста, ба онҳо рақсу суруд ва шеърҳои тоҷикӣ манзур намуданд.
Хотиррасон мешавем, ки Ҷамъияти «Тоҷикони Шарқи Дур» дар кишвари Хабаровск дар тамоми минтақаи Шарқи Дур бо иқдому ташаббусҳои созанда, баргузории чорабиниҳои сатҳи баланди давлатию миллӣ маъруф мебошад.
Роҳбари ин ҷамъият Моҳтоб Ғафурова тавонистааст дар як муддати кӯтоҳ бо пайваста ташкил намудани барномаҳои фарҳангию омӯзишӣ, маҳфили шеъру сухани воло ва пешниҳоди хӯрокҳои миллии мардуми тоҷик халқияту миллатҳои минтақаи Хабаровскро бо расму оин, таърихи рангину куҳани миллати тоҷик шинос ва ба ин восита таваҷҷуҳи сайёҳонро ба Тоҷикистони ҳамешабаҳор боз ҳам бештар ҷалб намояд.
Ёдовар мешавем, ки баргузории маҳфилҳои гуногуни идона ба ифтихори ҷашни байналмилалии Наврӯз аз ҷониби Ҷамъияти «Тоҷикони Шарқи Дур» дар минтақаҳои дигари Хабаровск идома меёбанд. Тоҷикони бурунмарзӣ дар минтақаҳои гуногуни Федератсияи Россия барномаю маҳфилҳои идона роҳандозӣ намуда, ҳамзамон дигар халқияту миллатҳоро бо расму оинҳои миллии мардуми тоҷик шинос менамоянд.
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
