СУТ: нахустин озмоишҳои ваксинаҳо бар зидди коронавирус оғоз гардид

ДУШАНБЕ, 19.03.2020 /АМИТ «Ховар»/. Мутахассисон озмоиши нахустини ваксинаи коронавируси COVID-19 –ро оғоз намуданд,  гуфт  роҳбари СУТ Тедрос Адханом Гебрейесус. Дар ин бора  АМИТ «Ховар» бо истинод ба хадамоти матбуотии ин созмон хабар дод.

«Нахустин озмоиши ваксина ҳамагӣ баъди 60 рӯз  пас аз омӯзиши ирсияти мураттаби коронавирус оғоз шуд. Ин як дастоварди бемисл аст»,- изҳор  намуд Гебрейесус дар нишасти матбуотии СУТ дар Женева.

Ӯ изҳор намуд, ки СУТ ва шариконаш дар аксар кишварҳо барои муқоисаи усулҳои табобати  то ҳол носанҷидаи  COVID-19 озмоишҳо  барпо мекунанд. Ба қавли ӯ, ба ин тадқиқот кишварҳои Аргентина, Баҳрайн, Канада, Франсия, Эрон, Норвегия, Африкаи Ҷанубӣ, Испания, Швейтсария ва  Тайланд  ҳамроҳ  шудаанд. Гебрейесус итминони комил дорад, ки бо чунин тадқиқот  метавон самараноктарин усули муолиҷаро дарёфт.

Дар тамоми ҷаҳон ҳамагӣ 214 ҳазор  нафар аз коронавирус сироят ёфтаанд,  ки аз ин 83 ҳазор нафар сиҳат ёфта, зиёда аз 8 ҳазор кас вафот кардаанд.

Акс:  © AP/TASS