Дар ноҳияи Ҷалолиддин Балхӣ ҷамъоварии пиёзи барвақтӣ оғоз гардид
БОХТАР, 23.04.2020 /АМИТ «Ховар»/. Дар ноҳияи Ҷалолиддин Балхии вилояти Хатлон ҷамъоварии пиёзи барвақтӣ оғоз гардид. Ба ғундоштани ҳосил аввалин шуда хоҷагии деҳқонии «Раъно» шурӯъ кард.
Тавре роҳбари хоҷагии деҳқонии мазкур Қурбоналӣ Мусоев иттилоъ дод, онҳо дар масоҳати 2 гектар пиёзи навъи «Алдава» шинонидаанд.
«Имсол мо нақша дорем, ки 70 тонна пиёз ҷамъоварӣ намоем. Барои сари вақт ғундоштани ҳосили пиёз 150 нафар сокинони маҳаллиро ба кор ҷалб намудаем, ки онҳо бо шароити хуби кор ва маош таъмин гардидаанд. Ҳамарӯза, ҳар нафаре, ки ба ҷамъоварии пиёз машғул мебошад, ҳаққи корашро ба маблағи 50 сомонӣ ва 5 кило пиёз мегирад. Масоҳати умумии заминҳои хоҷагии мо 4 гектарро ташкил медиҳад, ки дар 2 гектар пиёз, 1 гектар ғалла ва 1 гектари дигари он зироат шинонидаем»,- афзуд Қурбоналӣ Мусоев.
Роҳбари хоҷагии деҳқонии «Раъно» Қ.Мусоев иброз дошт, ки тибқи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи афзун намудани истеҳсоли маҳсулоти кишоварзӣ ва таъмини амнияти озуқаворӣ дар мамлакат ҳар ваҷаб заминҳои хоҷагиро самаранок истифода бурда, талош доранд аз он ду-се ҳосил рӯёнанд.
«Баъди ҷамъоварии пиёз мо дар ин заминҳо ҷуворимакка мешинонем»,- илова кард номбурда.
Тибқи иттилои шуъбаи кишоварзии Мақомоти иҷроияи ҳокимияти давлатии ноҳияи Ҷалолиддин Балхӣ, дар ноҳия дар масоҳати 318 гектар пиёз шинонида шудааст.
Кишоварзони ноҳия ба ҷамъоварии ҳосил 20 апрел оғоз намуда, то имрӯз 15 тонна пиёз ғундошта, ба бозорҳои ҷумҳурӣ пешниҳод намудаанд.
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
